Lês trơưk câuk luk số 81-TB/TW hnuz 18/7/2025 ntơưv Bộ Chính trị lok sâuv cêr chai cxiv puôz yar cơưv trâu têx xã đriv têz, tỉnh Sơn La tưz tsa têx paz côngz xưv muk cxênhz yuôx têx xã đriv têz. Trơưk kria pâuz, xã Lóng Sập muôx 2 yar cơưv TH&THCS, 64 lớp, 1.725 lênhx shuv xênhz; tuôr xav muôx yax 1.000 lênhx shuv xênhz cơưv shâuv hâur yar cơưv liên cấp TH-THCS, tsưx jông 2 yar cơưv nhiv no chia choz kria 569 lênhx shuv xênhz thênhv tiểu học thiaz 156 shuv xênhz thênhv THCS. Nhiv no xã Chiềng Sơn muôx 3 yar cơưv, 102 lớp, đros trâu 3.160 lênhx shuv xênhz; tuôr xav zuôr muôx zuôr luôs 1.000 lênhx shuv xênhz cơưv hâur yar cơưv liên cấp TH-THCS nội trú; tsưx jông 2 yar cơưv nhiv no chia choz kria trâu 1.019 lênhx shuv xênhz thênhv tiểu học thiaz 478 lênhx shuv xênhz thênhv THCS.

Tov kaz cxênhz yuôx cxuô thax tsav, đồng chí Phó Chủ tịch Thường trực UBPX tỉnh cxiz cov têx sở, ngành siz khov đros xã zênhx max lês tiar ntâuz ntơưr, muôx tsưr ziv lês mênhx pêv. Hâu ntơư, moz siaz trâu hâux lưv xair qơư cxiv puôz cov fiv huv thiaz tâu sir zôngv muk ntêr shông, zôngx ziv muk lok. Đros ntơư, cxiz cov moz siaz txos trâu têx hâux lưv txơưr hâur yar cơưv chia cov fiv huv trâu shuv xênhz nhoz nội trú thiaz bán trú.

Hâux lưv muôz nhiax cxiv puôz yar cơưv phổ thông nội trú liên cấp ntơưv têx xã đriv têz chia paz trâu têx shuv xênhz muôx qơư cơưv ntơưr txâuk chai, choz kria ntơưr tâu jông đuô, txo tsơưs têx shuv xênh tso ntơưr tsês, paz max trâu têx shuv xênhz hair nênhs tsơưs nhoz trâu đriv têz tâu cơưv shâuv, huôv tsar cxix cxuô.