Lês luôs hâux lưv paz zis nhoz tsêr khâuz hlaz, tsêr ntuôs uô tsêr nhoz, txos nhiv no, hur si huyện Vân Hồ tưz uô tiar 162 luz tsêr, tâu 100% cêr tuôr xav; hâu ntơư, cxiv puôz yiaz 147 luz tsêr thiaz kho đuô 15 luz tsêr. Hur si pênhr nhiax lês hâux lưv uô tsêr nhoz hâur thax tsav huyện muôx 9 tỷ 270 triệu đaiv, tưz taz nhav 9 tỷ 90 triệu đaiv; hâu ntơư, tưz muôz tâu 3 tỷ 20 triệu đaiv chia lês hâux lưv. Huyện tưz gruô hu tâu 5.200 hnuz jos chia côngv lês hâux lưv, xav yax 1 tỷ đaiv. Côngz xưv cxơưz paz tâu fuô lês zos nênhs thiaz trơưk đraiv cêr chai. Haik txos têx zis chos luk paz uô nzir tsêr, đhâu cxênhz hâur thax tsav muôx 224 zis, huyện sir jos zuôr lês tiar uô ntêx hnuz 19/5/2025.

Tov kaz cxênhz yuôx, đồng chí Xuân Xênhv Tsaz cxiz cov huyện Vân Hồ tror cxênhz, tsik chia muôx yưv têx zav cxâuv chai; moz siaz cxênhz yuôx, gruô hu cxuô tus khênhx, paz pơưs paz uô tsêr nhoz, paz têx zis nênhs njiz cêr phiv liv cov nzor truôx njês luz nênhx.