Shông 2025, đhâu cxênhz, huyện Sông Mã muôx 96 zis tâu chai paz uô tsêr nhoz, muôx 51 luz tsêr uô yiaz 45 zis kho đuô, ntơư zos têx zis muôx côngz cxiv tsa têz qơưk, zis pluôs, zis nênhs njiz ntâu cêr phiv liv. Txos nhiv no, huyện Sông Mã tưz fuô lês cxiv puôz 48/51 tsêr, yuôr 3 luz tsêr taz tov uô; muôx 45/45 zis kho đuô tưz lês tiar. Tuôr xav txos hnuz 30/4, huyện Sông Mã zuôr lês tiar hâux lưv paz uô tsêr nhoz.

Ntơưv jias cxênhz yuôx, đồng chí Xuân Xênhv Tsaz tưz sâu nhav, kruôk têx cêr sir jos hâur fuô lês hâux lưv paz uô tsêr nhoz ntơưv huyện Sông Mã. Đros ntơư, cxiz cấp ủy, nov hâu huyện tror cxênhz yuôx thax tsav, sox njôngr pêx xênhv txox cêr nyơư, zênhx max muôx tsưr ziv paz têx zis nênhs muôx côngz, zis pluôs, zis nênhs njiz ntâu cêr phiv liv uô tiar tsêr nhoz; tror moz siaz cxênhz yuôx, cxiz thiaz paz nhiax chia têx zis nênhs uô tsêr trơưk đraiv cêr tuôr xav tưz tso tơưv.