Shông 2025, đhâu cxênhz, huyện Mường La muôx 414 zis tâu UBPX huyện tâu chai paz, hâu ntơư muôx: 394 zis uô tsêr yiaz, 20 zis kho đuô. Huyện tưz uô tiar 414 luz tsêr uô ntêx hnuz 15/3/2025, tâu 100% cêr tuôr xav. Txos nhiv no tưz uô tiar 364 luz tsêr, tâu 87,68%; yuôr  51 zis taz tov uô, sir jos tiar uô ntêx hnuz 15/4/2025.

Tuôr xav hur tiz si têx nhiax paz lês hâux lưv tas 24,4 tỷ đaiv. Txos nhiv no, tưz gruô hu tâu yax 19,4 tỷ đaiv, hâu ntơư: Nhiax pênhr Ban gruô hu Pênhr viv nênhs pluôs tỉnh paz tâu yax 4,6 tỷ đaiv; nhiax tsês tsik sir zôngv 5% pênhr nhiax huyện yax 1 tỷ đaiv; pênhr nhiax tỉnh cxaz nzir zuôr luôs 13,7 tỷ đaiv. Txos hnuz xiaz 8/4, tưz muôz tâu yax 4,7 tỷ đaiv; hur si nhiax khov cxaz nzir yax 4,8 tỷ đaiv.

Ban Chox car huyện, têx xã tưz fuô kria, zaz zâuv cxuô lênhx, cxuô tus paz tâu 22.396 hnuz jos, 120 khối suôz jêz, 2.000 luz gạch thiaz têx chuôz zênhx cik txos txơưr, qxav nhiax tas yax 3,9 tỷ đaiv.

Tov kaz cxênhz yuôx ntơưv thax tsav, đồng chí  Xuân Xênhv Tsaz tưz sâu nhav têx cêr sir jos hâur fuô lês hâux lưv paz uô tsêr nhoz ntơưv huyện Mường La. Đros ntơư, cxiz cov Thường trực Huyện ủy, Ban Chox car paz uô tsêr nhoz huyện đros têx xã, thị trấn tror sox njôngr, cxiz thiaz paz max lok sâuv pênhr chia cxuô zis nênhs lês hâux lưv trơưk đraiv cêr tuôr xav. Cxênhz têx zis pluôs, zis nênhs muôx côngz cxiv tsa têz qơưk chia nzor lês tiar ntâuz ntơưr xa trâu tỉnh saz lax tso chai lês.