Côngv hnuz grâuv pax, muôx thơưx car Ủy ban MTTQ Việt Nam tỉnh; hlôngr njêx muôs têx sở, ngành ntơưv tỉnh; thơưx car xã Tà Xùa; hlôngr njêx muôs Ban côngz xưv nhoz têx jol thax tsav xã thiaz chôngz pêx xênhv jol Tà Xùa.

Jol Tà Xùa muôx 202 zis, đros trâu 1.098 lênhx, phênhv ntâu zos cưr tix Hmôngz (98%). Tas nro jol muôx 8 xênhv, nhiv no yuôr 9 zis pluôs thiaz 3 zis jê cêr pluôs. Chi bộ jol muôx 39 đảng viên. Hâur têx shông, pêx xênhv jol Tà Xùa tưz thôngx siaz, sir jos lês trơưk têx jâus zaz zâuv, cêr sik tưr zos cxuô cấp tso yar. Li ntơư pêx xênhv luz nênhx tưz tâu jông jux, jêx jol hlôngr yiaz, cêr nox nhoz njias to tâu tsưx truôx.

Txix li muôx huôz chuô, tox trôngz hâur pêk jông, pêx xênhv jol Tà Xùa tưz moz siaz kriz cêr nuôv zax, chơư chôngz kruô tuôx ndis shuôk thiaz nuôv zax. Pêx xênhv hâur thax tsav cux moz siaz huôv tsar uô kôngz lông thiaz kriz đar têz tsêz chos blêx, yuôx zêx, chos tuôz ziz, hơưk; moz siaz cxiv tsa hax huv OCOP, đros trâu tsưx truôx chuôz zênhx iz txưv muôx, kriz đar qơư uô luôv, muôs hax huv; tsưx jông txux chi nox yôngz hâuk cok, pav tuôs thiaz kriz cêr grâuv pax. Đhâu xair, shông 2025, hur si muôx 133 zis tâu côngz "Zis muôx txux chi"; hâux lưv phax tar nênhs uô luôv zênhz, kuôr zênhz, fuô lês jông hâux lưv por hưv cêr nox nhoz njias to.

Muôx lul hâur Hnuz tas nro pêx xênhv thôngx siaz, đồng chí Phó Chủ tịch Thường trực UBPX tỉnh tưz kruôk têx hâux lưv jol Tà Xùa tưz uô tâu. Đồng chí cxiz Chi ủy, Ban saiz car thiaz Ban côngz xưv mặt trận ntơưv jol tưz fuô kria, zaz zâuv pêx xênhv lês jông Đảng thiaz Têz qơưk têx cêr chai thiaz têx chai hâur jêx jol. Saiz hloz luz jos lox tas nro pêx xênhv thôngx siaz, moz siaz lês trơưk têx jâus zaz zâuv, cêr sik tưr zos cxuô cấp, ngành tso yar; moz siaz zôngv têx tsưr ziv yiaz lol uô kôngz lông; tsưx truôx cêr nox nhoz njias to; saiz hloz pêx xênhv jêx jol luz jos chia uô cêr yêz jêx jol; huôv tsar nuôv zax truôx njês đros trâu por hưv huôz chuô, cêr nyiaz hur, por hưv txux chi cxuô hair nênhs; yênhx qơư nuôv zax jông ntơưv xã.