Têx đại biểu thiaz pêx xênhv jok Phiêng Lương tưz yaz đuô txiax njis, cênhz cưv 95 shông Hnuz tsa tâu Mặt trận Dân tộc thống nhất Việt Nam (18/11/1930-18/11/2025); jok têx hâux lưv uô tâu hâur fuô lês cxuô cêr sik tưr nhiav têz nhiav qơư shông 2025.

Jok Phiêng Lương muôx 144 ziv nênhs đros trâu 653 toz hâu nênhs, 100% zos hair nênhs Cho. Chi ủy, Ban saiz car thiaz Ban côngz xưv Mặt trận jok tưz lês jông côngz xưv zaz zâuv, gruô hu pêx xênhv thôngx siaz, moz siaz huôv tsar nhiax txiax, choz kria, txuôs jông thiaz huôv tsar pêx xênhv cxuô hair nênhs txux chi. Shông 2025, jok tưz gruô hu pêx xênhv côngv nhiax trâu têx pênhr “Pâux txiax njis yar ntux”, "Paz mê nhuôv zâuk hla đhâu cêr txov nhêv", “Viv nênhs pluôs”, côngv tâu yax 18 triệu nhiax chia paz pêx xênhv mas ntux nas hiav; muôx 7 ziv nênhs tưx zênhv jav 300 m² ar kriz cêr muk lok, đhos ndêx điện; 70% txox cêr lênhv bê tông, muôx têx cưx tso đêx; têx ziv pluôs grêk lơưv 1,3%; yax 65% ziv nênhs tâu côngz muôx txux chi.

Fuô luk ntơưv Hnuz grâuv pax, đồng chí Phó Chủ tịch HĐPX tỉnh cxiz cov Chi ủy, Ban saiz car thiaz Ban côngz xưv Mặt trận jok Phiêng Lương tror zaz zâuv, gruô hu cán bộ, pêx xênhv fuô lês jông Đảng, têz qơưk thiaz jok cêr chai; tsik tsês cơưv shâuv thiaz uô trơưk siaz xav, tsiv txiax, chux pưv Hồ Chí Minh; moz siaz fuô lês têx cêr sik tưr “Hur si pêx xênhv thôngx siaz cxiv tsa jêx jok yiaz, đrôngs vav mênhx”, “Côngv têk cxiv kho tsêr đos đis, xâu nas”; đros ntơư tsênhv gruô hu pêx xênhv hlôngr yiaz nôngz kôngz chos sâu nju, tu zus tsiax cxu vav chôngz, cxiv tsa luz nênhx tâu jông.