Xã Chiềng Khương tâu tsa tơưv txix li muôz 2 xã: Chiềng Khương thiaz Mường Sai lok uô cê, muôx 26,4 km đriv têz thiaz 9 luz jok nhoz puôz têz qơưk Lok Tsuôk. Ban Thường vụ Đảng ủy xã tưz moz siaz chox car cơưv shâuv thiaz fuô lês ntov nti, cxix cxuô têx chỉ thị, nghị quyết, câuk luk ntơưv Trung ương, ntơưv tỉnh. Côngz xưv huôv tsar đảng viên tâu moz siaz txos, shông 2025, tsa tâu 22 đảng viên yiaz tâu 100% chỉ tiêu zok. 

Hur si têx kôngz lông chos hâur thax tsav xã muôx zuôr luôs 5.000 ha, têx zav kôngz muôx njiar xav sâu tâu 12.000 tấn; tuz kôngz hâur xã tưz moz siaz hlôngr nôngz kôngz yiaz tsêz chos, kriz đar qơư chos ntông nox txir txos 1.167 ha; tu zus tsiax cxu tror huôv tsar, hur si têx tsiax cxu muôx yax 23.000 tus. Thax tsav tâu por hưv nox nhoz njias to...

Muôx luk jias uô hâux lưv, đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh cxiz cov xã Chiềng Khương moz siaz choz kria chính trị saiz xav trâu têx cán bộ, đảng viên, pêx xênhv, cxaz nzir cêr pâuz lok sâuv huôv tsar đảng hâur ntu nênhx nhiv no. Fuô kria, zaz zâuv pêx xênhv sir zôngv tâu jông têx zav muôx hâur thax tsav chia huôv tsar nhiax txiax, paz pêx xênhv luz nênhx tâu jông. Nthuôr huôv jông pêx xênhv đas jos chia por hưv thax tsav nox nhoz njias to. Lês jông cêr chai vax huôv siz txis; lês jông cêr siz tưr hur si pêx xênhv por hưv Têz qơưk nox nhoz njias to.

Uô ntêx ntơư, Paz côngz xưv tưz muk cxênhz hâux lưv cxiv puôz Yar cơưv Phổ thông nội trú liên cấp Tiểu học- THCS Chiềng Khương. Ntơưv no, đồng chí Phó Bí thư Tỉnh ủy cxiz cov đơn vị lês hâux lưv moz siaz bax cxix cxuô zav chia lês hâux lưv cov tâu jông thiaz por hưv cêr nhaz xênhz hâur ntu uô nuv.