Nhiv no, Chi bộ jok Khoang muôx 44 đảng viên. Hâur luz 4 hli, Chi bộ tror fuô lês jông côngz xưv cxiv tsa Đảng; chox car pêx xênhv huôv tsar nhiax txiax, txux chi, xã hội, tsưx truôx chính trị, thax tsav cêr nox nhoz njias to. Chi bộ tưz kriz cơưv zuôr 175 cử tri ndâux luk trâu cêr chai, tsưr ziv cxiv kho tổ chức đơn vị uô côngz xưv têz qơưk cấp xã. Đhâu cxênhz, 100% cử tri jông siaz trâu cêr chai.

Uô trơưk têz qơưk hâux lưv cxiv tsa jêx jok yiaz, Chi bộ jok Khoang tưz chox car pêx xênhv fuô lês muôx kaz hâu têx nghị quyết huôv tsar nhiax txiax; yêv tsiax cxu hâur kaz tsar lơưx muk đêz vax tsêr; khơưz kror ntiv khâuz nhaz, sâu hlơưr por tsês têx khâuz nhaz, chos ntông, por hưv đêx ar huôz chuô nyiaz hur; zaz zâuv pêx xênhv uô nênhx muôx txux chi hâur nox yôngz hâuk cok, pav tuôs, tsưx truôx cêr nox nhoz njias to. Nhiv no, xav fênhx đraz iz toz hâu nênhs hâur jok sâu tâu 42 triệu nhiax/shông.

Ntơưv jias cơưv trơưk chaix, têx đảng viên hâur chi bộ tưz saz lax, muôx ntâu ndâux luk, saz lax cxuô tsưr ziv hâur huôv tsar nhiax txiax muôx kaz hâu, fuô lês cxuz cêr yaiz pluôs, cxiv tsa jêx jok yiaz thiaz côngz xưv cxiv tsa Đảng...

Fuô luk  jias cơưv, đồng chí Phó Bí thư Thường trực Tỉnh ủy cxiz cov Chi bộ jok Khoang tror moz siaz uô jông côngz xưv huôv tsar đảng viên. Moz siaz chox car lês muôx kaz hâu têz qơưk hâux lưv cxiv tsa jêx jok yiaz. Đros ntơư, tror tsik tsês "Cơưv shâuv thiaz uô trơưk siaz xav, tsiv txiax, chux pưv Hồ Chí Minh” đros trâu têx hâux lưv uô mênhx pêv thiaz thax tsav hâux lưv, cxiv tsa chi bộ đơưz hur, truôx njês.

Ndax jias no, đồng chí Phó Bí thư Thường trực Tỉnh ủy thiaz thơưx car huyện Quỳnh Nhai tưz krưr huv trâu Chi bộ jok Khoang.