Lês trơưk ntâuz nttơưr câuk luk số 81-TB/TW hnuz 18/7/2025 ntơưv Bộ Chính trị lok sâuv cxiv tsa yar cơưv trâu têx xã  đriv têz, tỉnh Sơn La tưz tsa tơưv têx paz nênhs muk njuôk saiz qơư ntơưv têx xã đriv têz. Trơưk fuô kria, xã Mường Lèo nhiv no muôx 838 tus tuz cơưv cấp tiểu học thiaz trung học cơ sở, hâur ntơư muôx 538 tus tuz cơưv bán trú; xã Mường Lạn muôx  2.716 tus tuz cơưv, đros trâu yax 1.000  tus tuz cơưv bán trú; hok ntơưv xã Sốp Cộp, muôx 1.268 tus tuz cơưv bán trú cấp tiểu học thiaz trung học cơ sở.

Tov kaz yuôx tas, đồng chí Chủ tịch UBPX tỉnh, chox car têx sở, ngành đros têx xã zênhx max uô tiar hồ sơ, tuôr xav cêr cxiv tsa mênhx pêv. Hâur ntơư, tsuv saiz hloz xair qơư fiv huv thax tsav, cêr yêz, chok nxiak zôngx ziv trâu cêr cxiv puôz thiaz sir zôngv ntêr shông, yax hlo mak xair tsov têx qơư cxiv puôz yar cơưv tsuv chok nxiak nhaz xênhz. Đros ntơư, xav cov ntov qơư yar cơưv, qar tsêr cơưv, têx zav paz nzir, fiv huv cêr cơưv shâuv, nox nhoz nội trú thiaz bán trú trâu tuz cơưv, siz chos yôngv siaz cêr choz, kria nênhs tsês uô cán bộ zos nênhs tsơưs, nênhs nhoz txơưv thax tsav.