Paz nov tưz muk cxênhz yuôx qơư txar pêx xênhv nhoz yiaz jok Tà Phình, dự án cêr yêz txix cêr yuôv tiểu khu 9 muk trâu jok Tà Phình; dự án đêx nox hâuk, uô kôngz jok Tà Phình xã Tập Lập (nhiv no zos xã Tân Yên). Dự án cêr yêz txix đrôngs xã Tân Yên txos qơư pêx xênhv nhoz yiaz Nặm Khao; dự án cêr yêz đruôz liax jok Nặm Khao; yuôx cêr nox nhoz, uô kôngz lông ntơưv pêx xênhv nhoz jok yiaz Nặm Khao, xã Tân Yên.

Têx công trình jông ntơưv qơư nhoz yiaz tưz tâu cxiv tsa cxiv cxuô, taz sik, tov zuôr luôs 20 shông, ntâu công trình tưz puôk tsuôx, tsik jông. Chia cov truôx njês cêr nox nhoz thiaz uô kôngz lông trâu pêx xênhv têx qơư nhoz yiaz, UBPX thị xã Mộc Châu taix khov kho đuô cov jông têx txox cêr txix đrôngs xã Tân Yên txos têx qơư txar pêx xênhv nhoz yiaz;lênhv cêr yêz đruôz liax; cxiv tsabn têx công trình tâur đêx uô kôngz, đêx uô nox hâuk ntơưv têx  jok nhoz yiaz trâu pêx xênhv…

Fuô luk jâus uô hâux lưv, đồng chí Chủ tịch UBPX tỉnh phênhv ntâu tưz thôngz iz đrôngs luk đros têx cêr taix khov ntơưv UBPX thị xã Mộc Châu. Đros ntơư, cxiz cov UBPX thị xã Mộc Châu cxênhz yuôx têx njiaz luk thiaz taix khov têx pênhr nhiax; yuôx, uô tiar têx dự án siz nzuôs tsuv cxiv tsa kho jông, uô đuô, cxaz nzir, uô yiaz têx zav jông paz max cêr huôv vav nhiax txiax, xã hội thax tsav pêx xênhv nhoz. Têx sở, ngành ntơưv tỉnh chox lês cxênhz yuôx têx dự án chok nxiak uô cov tâu, zos nênhs, zos thax tsav chia piar trâu Chính phủ trơưk chai xav. Cêr cxiv tsa têx dự án tsuv chok nxiak muôx liv tsênhz mênhx, paz max uô kôngz lông, paz cêr nox nhoz trâu pêx xênhv qơư nhoz yiaz jông đuô, truôx njês đuô.