Paz côngz xưv tưz muk cxênhz yuôx thiaz puz huv Tsiaz ntơưv têx xã Mường La, Chiềng Hoa, Mường Bú, Paz tuô hluôr tơưk thia nriar chơưv tiz nênhs thax tsav 2 (Phòng Cảnh sát Phax tar tuô hluôr tơưk cuz thiaz nriar cơưv tiz nênhs, Công an tỉnh) thiaz Tsêr mair Tênhz điện Sơn La. Ntơưv têx xã, Paz côngz xưv tưz mnôngs têx thax tsav, đơn kria pâuz hâux lưv huôv tsar nhiax - xã hội shông 2025; hâux lưv bax cxuô zav chia kriz bầu cử đại biểu Quốc hội khóa XVI thiaz bầu cử đại biểu HĐPX cxuô cấp ntu 2026-2031; hâux lưv phaiz nênhs jor tsiaz, tsi njênhk lês tâu jông têx hâux lưv tâu zok, yax hlo zos hâur luz Tsiaz têz qơưk shông 2026.

Muôx luk hâur jias đros têx xã uô hâux lưv, đồng chí Chủ nhiệm Ủy ban Cxênhz yuôx Tỉnh ủy cxiz cov têx xã tror fuô lês jông têx hâux lưv hâur shông 2026; moz siaz lês trơưk đraiv têx ntâuz ntơưr fuô kria chia cov bầu cử tâu jông. Fuô kria, zaz zâuv pêx xênhv lês ntov cêr chai phax tar hluôr tơưk cuz, tơưs; por hưv tsav yêz tâus cêr nhaz xênhz, por hưv thax tsav nhoz njias to; gruô hu têx paz pơưs, tus khênhx paz têx zis pluôs hâur luz Tsiaz. Paz phax tar tuô hluôr tơưk cuz thiaz nriar chơưv tiz nênhs thax tsav 2 thiaz Tsêr mair Tênhz điện Sơn La tror lês jông phênhv shuôv, lês tiar jông cxuô luz hluôs hâux lưv tâu zok, moz siaz txos trâu cán bộ, tuz lênhv thiaz têx nênhs lês hâux lưv jov Tsiaz...

Ndax jias no, đồng chí Chủ nhiệm Ủy ban Cxênhz yuôx Tỉnh ủy tưz puz huv Tsiaz ntơưv Tỉnh ủy, HĐPX, UBPX, Ủy ban MTTQ Việt Nam tỉnh trâu têx thax tsav, đơn vị. Đros ntơư, puz 60 poz huv ntơưv Ủy ban MTTQ Việt Nam tỉnh trâu têx zis pluôs, zis nênhs tâu chai paz; Ủy ban Cxênhz yuôx Tỉnh ủy puz 15 poz huv, Tsêr nhiax BIDV puz 60 poz huv, Công ty Cổ phần Môi trường thiaz Dịch vụ đô thị Sơn La puz 65 poz huv, Công ty Xổ số kiến thiết Sơn La puz 15 poz huv trâu têx zis pluôs nhoz hâur têx xã. Xav hur si nhiax tas 100 triệu đaiv.