Ntơưv hnuz lov jêv, têx đại biểu thiaz pêx xênhv tưz tưz siz chos yaz đuô cênhv cưv 95 shông hnuz tsa tâu Mặt trận dân tộc thống nhất Việt Nam (18/11/1930 - 18/11/2025); têx hâux lưv lês tâu trơưk cêr gruô hu “Tas nro tsôngv pêx xênhv thôngx siaz cxiv tsa jêx jok yiaz, đrôngs vav mênhx” shông 2025.

Jok Mạt zos luz jok đriv têz, nhoz đêz tỉnh Sơn La yax 200 caik cêr. Nhiv no, jok muôx 114 ziv, yax 500 lênhx pêx xênhv, 2 hair nênhs zos Hmôngz, Puôz Ziz nhoz uô cê. Pêx xênhv jok Mạt zôngs jông Đảng, têz qơưk têx cêr chai cux li chai jêx jok; thôngx siaz siz paz huôv tsar nhiax txiax, zôngv kỹ thuật paz max hâux lưv uô kôngz lông. Jok muôx 96% ziv pêx xênhv uô nênhx tsiv txiax, muôx txux chi; 100% pêx xênhv tâu saiz đuôz, mnôngs xor tôngx chuô. Pêx xênhv hâur jok tưz siz chos uô tiar cêr yêz hâur jok, txix shông 2020 txos nhiv no, sơưr đơưk tưz siz chos côngv tâu 134 triệu nhiax, jav ar uô cêr yêz hâur jok.

Đros pêx xênhv jok Mạt shir phaz, đồng chí Chỉ huy trưởng Bộ CHQS tỉnh tưz kruôk têx hâux lưv chi bộ, ban saiz car jok, ban lês côngz xưv mặt trận, thiaz cxuô đoàn thể, pêx xênhv jok Mạt lês tâu hâur ntu đhâu. Chia siaz pêx xênhv jok Mạt zuôr tror nthuôv têx cênhz cưv jông, cxiv tsa cêr thôngx siaz, sir jos khưr, siz chos tsưx hưv cêr nhaz xênhz, phax tar têx zav tsik jông; siz tưr nhiav têz nhiav qơư, cxiv tsa jok zênhv hnuz zênhv bluô nux, vav mênhx.

Ndax no, đồng chí Chỉ huy trưởng Bộ CHQS tỉnh gra Tỉnh ủy, HĐPX, UBPX, Ủy ban MTTQ Việt Nam tỉnh têx huv muk trâu pêx xênhv jok Mạt; Ủy ban MTTQ Việt Nam xã Mường Lèo puz ntơưr kruôk Ban lês côngz xưv mặt trận jok Mạt.