Paz côngz xưv tưz muk shuôk Niav Việt Nam Anh hùng Đoàn Thị Diệp, tổ 10 Quyết Thắng, phường Tô Hiệu thiaz liệt sĩ Tòng Văn Ộng, jok Nong La, phường Chiềng Sinh tsêr nênhs; muk shuôk cán bộ piz uô têz uô qơư La Tần Khôi Việt, tổ 11 Quyết Thắng, phường Tô Hiệu thiaz cán bộ uô têz uô qơư uô ntêx shông 1945 Sa Đình Bình, tổ 3, phường Chiềng Cơi; muk shuôk, ntuôk đồng chí Lò Văn Khổ, thương binh trâus moz hnhar txos 65%, jok Hài, phường Chiềng An tsêr nênhs.

Ntơưv têx ziv nênhs muk shuôk, đồng chí Bí thư Tỉnh ủy tưz uô jông nus đas jos thiaz muôx lul uô tsâus, ndo txiax njis txos têx nênhs tas txox sia viv têz viv qơư, nênhs muôx côngz trâu têz qơưk hâur ntu tir ntâuk tsav tros txênhz tâu vax huôv lok trâu Têz qơưk tiax tuk thax zênhz thiaz cxiv tsa têz qơưk, thax tsav hlôngr yiaz. Phôngv têx ziv nênhs shông yiaz nox tsiaz sor siaz, shir phaz, nox kaz nhoz jông. Đros ntơư, xar cov têx ziv nênhs cxơưz cênhz cưv uô têz uô qơư, uô ntêx lông uô nênhx tsiv txiax zos li Đảng, Têz qơưk cêr chai tso tơưv; gruô hu, choz kria mê nhuôv xênhz nzưr sik tưr tsik tsês cơưv shâuv, huôv tsar kôngz lông, paz cxiv tsa thax tsav, têz qơưk zênhv hnuz zênhv tsik tsês huôv tsar. Cxiz cov cấp ủy, nov hâu thax tsav tror moz siaz por hưv jông đuô têx thương binh, liệt sĩ, nênhs muôx côngz trâu têz qơưk ziv nênhs luz nênhx tâu jông, lês muôx kaz hâu côngz xưv pâux txiax njis yar ntux hâur thax tsav.

Txaik cêr hluz, đros cxuô hnaz huv muôx txiax njis, têx ziv nênhs tâu paz cêr chai, nênhs muôx côngz trâu têz qơưk uô tsâus kror moz siaz, uô jông ntuôk ntơưv têx đồng chí thơưx car tỉnh, cxuô cấp, ngành thiaz thax tsav; kria pâuz kror sir jos cxơưz ziv nênhs cênhz cưv, uô ntêx lông lês jông têx cêr sik tưr, jias gruô hu zos thax tsav tso tơưv.