Jâus uô hâux lưv muôx têx đồng chí: Đặng Ngọc Hậu, Phó Chủ tịch UBND tỉnh; Đào Tài Tuệ, Ủy viên Ban Thường vụ Tỉnh ủy, Giám đốc Sở Xây dựng; thơưx car sở, ban, ngành ntơưv tỉnh.

 

Ntơưv jâus uô hâux lưv, Thường trực Đảng ủy têx xã tưz kria têx hâux lưv huôv nhiax txiax, txux chi - xã hội, por hưv cêr nox nhoz njias to, côngz xưv cxiv tsar Đảng shông 2025, têx hâux lưv lês shông 2026. Txix ntơư, lês hâux lưv nov hâu 2 cấp txix 1/7/2025 txos nhiv no, têx xã tưz uô hâux lưv truôx njês, uô ntâuz ntơưr trâu pêx xênhv, tsêr luôv. Têx xã tưz chox car kriz yênhx côngz Đại hội đại biểu Đảng bộ xã jâus tiv 1, ntu 2025 - 2030 trơưk li tuôr xav; moz siaz huôv tsar nhiax txiax - xã hội fiv huv trâu đêx ar hâur thax tsav; tưz uô tiar têx chỉ tiêu zov chinhr shông 2025.

 

Iz chas ntơư têx hâux lưv uô tâu, têx xã tsênhv njiz ntâu cêr phiv liv: Cêr yêz mul lol tsik tâu jông luôx tưs, ntâu txox cêr mul trâu đuô xã tưz puôk tas; cêr jêx jol, cêr liax têz tsik tâu lênhv, tưz tuôr thênhv pêx xênhv mul lol, thâux hax huv thiaz pâur muôs. Têx nênhs txơưx uô hâux lưv tsênhv tsơưs; uô ntâuz ntơưr trâu pêx xênhv tsênhv njiz ntâu cêr phiv liv viv nhoz đêz qơư uô côngz xưv xã. Chuôz zênhx, yêz mul uô côngz xưv thiaz huôz chuô xor tôngx ntơưv xã, jol tsênhv tsik tâu txâuk; iz cxia jol tsik tâu muôx jông huôz chuô internet, uô tuôr thênhv hâux lưv hlôngr pâur số… 

Cxuô xã tưz khov tỉnh moz siaz paz nhiax, uô tiar cêr yêz; nzor paz nhiax cxiv tsa uô yiaz tsêr uô hâux lưv trâu Chiềng Hoa, Chiềng Lao, Mường Bú cov fiv huv cêr chox car; đros ntơư chox car têx tsêr luôv chaz xor tôngx kho đuô têx huôz chuô trâu thax tsav "vok har", nhav nxias huôv tsar nhiax txiax - xã hội thiaz pêx xênhv cêr sir zôngv.

Cxuô sở, ban, ngành ntơưv tỉnh tưz muôx ndâux lul thiaz têx njiaz lul têx xã nus txos trơưk vax huôv. Đros ntơư, muôx ndâux lul trâu cêr tsov xav, tsưr ziv huôv tsar nhiax txiax - xã hội ntơưv têx xã trâu ntu zuôr txos chia huôv tsar trơưk li nhiak đêx ar muôx txơưv ntơưv xã.

Muôx lul ntơưv jâus uô hâux lưv, đồng chí Bí thư Tỉnh ủy cxiz cấp ủy, nov hâu têx xã saiz hloz têx hâux lưv lês tâu, đơưk cêr phiv liv, moz siaz chox car, lês tâu jông hâux lưv trơưk cêr tuôr xav, hâux lưv zov chinhr; lês jông têx chỉ thị, nghị quyết, câuk lul ntơưv Trung ương, ntơưv tỉnh. Fuô lês jông têz qơưk hâux lưv, por hưv txux chi, huôv tsar nuôv zax, uô ntâuz ntơưr têz qơưk, hlôngr pâur số. Saiz car ntov nti nhiax têz qơưk, đêx ar, tsov xav, cxiv puôz njias to; moz siaz uô têx dự án, thêv nhiax uô hâux lưv têz qơưk; cxênhz, cxiv kho njuôk tsov têx cêr tsov xav ntêr shông. Moz siaz huôv tsar nuôv zax tox trôngz hâur pêk đros trâu uô kôngz lông thiaz txux chi thax tsav; tsưx truôx njias to chính trị, cêr nox nhoz njias to xã hội; moz siaz cxiv kho Đảng; cxơưz pênhr xưv trâu têx cán bộ, lês jông hâux lưv nov hâu 2 cấp. Moz siaz siz côngv lês txix li xã đros têx sở, ngành ntơưv tỉnh, đros ntơư bax jông cxuô zav chia kriz yênhx côngz jâus xair đại biểu Quốc hội khóa XVI thiaz HĐND cxuô cấp, ntu 2026 - 2031.