Đros muk muôx têx đồng chí: Nguyễn Đức Thành, Ủy viên Ban Thường vụ Tỉnh ủy, Thơưx ban Tổ chức Tỉnh ủy; Chu Văn Thành, Ủy viên Ban Thường vụ Tỉnh ủy, Chỉ huy trưởng Bộ Chỉ huy Quân sự tỉnh.

Đồng chí Bí thư Tỉnh ủy thiaz Paz côngz xưv tưz muk shuôk Trôngx lôngs Chiềng Khương; cxênhz yuôx tsưr ziv cxiv kho, tsov xav vax tsêr, yar yêz thâux hax huv muk muôs trâu oz chas têz thax tsav trôngx lôngs. Trơưk ntơư, Trôngx lôngs Chiềng Khương lok six zov chênhr hâur cêr lax luôv ntơưv tỉnh Sơn La thiaz têx tỉnh Kâuv têz Lok Tsuôk. Ntu đhâu, hâux lưv muôs huv trâu oz chas têz, zuôr huv têz qơưk đrâuv lok muôs muôx ntâu hlôngr yiaz; zênhv hnuz zênhv muôx chôngz tiz nênhs thâux hax huv muk lok đhâu; shông 2025 xav hur si nhiax huv muôs trâu oz chas têz sâu tâu 8,2 triệu nhiax đô la.

Paz côngz xưv cux muk cxênhz yuôx hâux lưv cxiv puôz Dự án Yar cơưv nội trú liên cấp Tiểu học - Trung học cơ sở xã Chiềng Khương. Yar cơưv đar 5 ha, muôx 13 hâux lưv. Hâur ntu fuô lês cêr chai cxiv puôz yar cơưv tâu pêx xênhv jông siaz côngv đros uô; têx kror txâuk chai fuô lês dự án phênhv ntâu zôngx ziv, fiv huv têx cxênhx cxênhv zos chai. Txos nhiv no, đơn vị uô tưz khơưz kuô tsêr, quôr bê tông trâu tơư nja tsêr cơưv bộ môn, tsêr uô côngz xưv trâu cưk kria, tsêr trâu shuv xênhz nhoz, thư viện, pak đa đêx…

Paz côngz xưv tưz muk shuôk qơư huôv tsar chos txir lưk pax, thênhx caz ntơưv jok Hưng Hà, xã Chiềng Khương, lok six muôx gri viv pâuz sir zôngv chuôz zênhx jông lok huôv tsar kôngz lông.

Ntơưv têx qơư muk shuôk, đồng chí Bí thư Tỉnh ủy cxiz cov xã Chiềng Khương tror cxênhz yuôx, saz lax têx tsưr ziv thiaz cêr chai cxưx nhiax huôv tsar nhiax txiax trôngx lôngs; paz têx tsêr luôv cxiv puôz yar yêz thâux hax huv muk muôs trâu oz chas têz; đros ntơư uô tiar hâux lưv cxiv kho tsov xav trôngx lôngs trơưk faz siz luôs jok, uô jông uô, paz tâu kror huôv tsar hâur ntu nênhx yiaz nhiv no fiv huv hâux lưv muôs huv trâu oz chas têz zênhv hnuz zênhv muôx ntâu thiaz tsik so cxưx nhiax cxiv puôz vax tsêr chuôz zênhx, tsưr ziv logistics, cêr lax luôv đriv têz thiaz têx hâux lưv zov chênhr, sir jos cxiv kho trôngx lôngs zov chênhr Chiềng Khương yênhx trôngx lôngs ntiax têz.

Đros trâu dự án Yar cơưv Nội trú liên cấp Tiểu học - THCS xã Chiềng Khương, đồng chí Bí thư Tỉnh ủy cxiz cov têx đơn vị uô gruô hu hur si chuôz zênhx, tiz nênhs thiaz đros têx sở, ngành cik txos moz siaz đơưk tâu sai têx txov nhêv chia zênhx max cxiv puôz tiar yar cơưv; nhav nxiak uô jông têx hâux lưv nhaz xênhz thiaz lês tiar hâux lưv zos li tsưr ziv tso tơưv.