Đros muk muôx đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh; thơưx car têx sở, ngành ntơưv tỉnh; thơưx car phường Mộc Châu, Mộc Sơn, Vân Sơn, xã Vân Hồ, Tô Múa; têx đơn vị cxưx nhiax, fuô kria lês dự án.

Paz côngz xưv tưz muk cxênhz yuôx hâux lưv lês Dự án cxiv puôz cêr yêz hâur đrôngs Mộc Châu đros trâu hur si ntêr yax 10 km, muk đhâu 3 phường Mộc Châu, Mộc Sơn thiaz Vân Sơn. Txos nhiv no, côngz xưv thêv nhiax chia yaik pêx xênhv nhoz trâu qơư yiaz ntơưv dự án tưz lês tiar 72%, bâuv li 24,84 ha/34,47 ha, muôx 352 zis tưz tâuv thêv nhiax chia yaik nhoz trâu qơư yiaz, hur si nhiax tas yax 85 tỷ đaiv. Đuô li 235 zis nênhs thiaz 1 paz pơưs taz tov tâu zaz zâuv, cxênhz mênhx thiaz tso tơưv tsưr ziv thêv nhiax.

Tov kaz cxênhz yuôx thiaz mnôngs báo cáo, đồng chí Bí thư Tỉnh ủy tưz sâu nhav têx cêr sir jos ntơưv Trung tâm Huôv tsar ar tỉnh, UBPX têx phường hâur côngz xưv sâu ar tror kaz chia lês dự án. Đros ntơư cxiz cov Trung tâm Huôv tsar ar tỉnh cxaz nzir cán bộ, siz khov đros UBPX têx phường lês tiar tsưr ziv thêv nhiax, tuôr xav mênhx tus gri ar, tsi njênhk por hưv tâu jông pêx xênhv vax huôv zos chai. UBPX têx phường zênhx max lês tiar qơư nhoz yiaz chia yaik têx zis pêx xênhv muôx ar sâu tror kaz muk nhoz.

Txuôk nzir, paz côngz xưv tưz muk cxênhz yuôx dự án cêr yêz muk chênhr Hòa Bình - Mộc Châu (ntu hâur thax tsav tỉnh Sơn La). Trơưk báo cáo ntơưv Ban Saiz car dự án cxiv puôz têx công trình jêx jok, ntu cêr hâur thax tsav tỉnh Sơn La ntêr 32,3 km, muôx 3 gói thầu (26, 27, 28). Xav tas hli 10/2025, UBPX têx xã, phường tưz zok ar tâu 19,5/32,3 km, têx tsêr cxưx nhiax taz tov moz siaz lês hâux lưv cov tâu trơưk đraiv cêr tuôr xav.

Tov kaz cxênhz yuôx têx thax tsav, đồng chí Bí thư Tỉnh ủy haik mênhx: Dự án muôz nhiax cxiv puôz txox cêr yêz muk chênhr Hòa Bình - Mộc Châu zos iz hâur têx công trình zov chênhr hâur têz qơưk, muôx txiax njis lok six zov chênhr, cxơưz paz muôx cêr siz khov txix li Sơn La txos trâu Tuôv chinhz Hà Nội thiaz têx tỉnh đồng bằng Bắc Bộ; kriz đar tsưr ziv cxơưz paz huôv tsar nuôv zax thiaz nhiax txiax - xã hội ntơưv tỉnh Sơn La. Đồng chí Bí thư Tỉnh uỷ cxiz cov têx sở, ngành, đơn vị, UBPX têx xã, phường cik txos moz siaz lês hâux lưv sâu ar tror kaz trơưk đraiv cêr tuôr xav, moz siaz siz khov đơưk têx cêr phiv liv, chor nhov hâur ntu thêv nhiax sâu ar tror kaz chia lês dự án. Têx tsêr cxưx nhiax tov kaz tâu zok ar zuôr tsuv lês hâux lưv zênhx max, chia cov lês tâu trơưk đraiv cêr tuôr xav tso tơưv.