Ntơưv xã Mường Bú, đồng chí Bí thư Tỉnh ủy thiaz Paz côngz xưv tưz muk cxênhz yuôx hâux lưv ntơưv Tsêr mair kra kruôr txir tsơưs ntơưv Công ty CP MUSA GREEN ntơưv jok Cứp. Dự án đar yax 18.000 m², đros trâu têx hâux lưv tsưx tsês, ntiv hnaz hax huv; six hơưv lês hâux lưv hâur 50 shông. Txos nhiv no, tsêr luôv phênhv ntâu tưz lês tiar têx hâux lưv khơưz kuô tsêr, uô tsêr lês hâux lưv thiaz iz cxia nuv txơưr thiaz zuôr piz lês hâux lưv trâu têx hnuz kaz shông 2025. Thâuv nhiv kruôr piz lês hâux lưv, iz hnuz uô tâu zuôr luôs 2 tấn txir thiaz zuôr luôs 10 tấn tsơưz. Tsêr mair lês hâux truuôx njês zuôr paz muôx hâux lưv uô trâu 30- 40 lênhx nênhs uô hâux lưv, sâu nhiax tsơưs yax tâu 6 triệu đaiv/nênhs/hli, cxơưz paz sâu nju nhiax txiax trâu thax tsav. 

Đồng chí Bí thư Tỉnh ủy tưz cxênhz yuôx thax qơư tuôr xav cxiv puôz ntus đêx Mường Bú thiaz qơư tuôr xav cxiv puôz qơư lês hâux lưv trâu Đảng ủy, HĐPX, UBPX xã Mường Bú yiaz. Thơưx car thax tsav tưz kria pâuz hâux lưv fuô lês cêr tuôr xav, têx cêr phiv liv, chor nhov hâur ntu fuô lês hâux lưv; đros ntơư cxiz cov tỉnh moz siaz muôz nhiax chia nzor fuô lês têx hâux lưv, tsi njênhk cov por hưv tâu cêr nhaz xênhz trâu pêx xênhv thiaz fiv huv chia huôv tsar muk ntêr.

Đhâu cxênhz yuôx thax tsav, đồng chí Bí thư Tỉnh ủy tưz kruôk txos cêr sir jos ntơưv tsêr luôv hâur fuô lês dự án; đros ntơư cxiz cov têx sở, ngành, nov hâu thax tsav tror moz siaz, paz đơưk têx cêr phiv luv, chor nhov chia dự án nzor lês tiar. Đros ntơư, cxiz têx sở, ngành, thax tsav tror moz siaz saz lax trâu Tỉnh ủy, UBPX tỉnh têx tsưr ziv chia cov fuô lês hâux lưv tâu jông, nzor muôz têx công trình lok lês hâux lưv.

Shuôk thiaz uô hâux lưv ntơưv tsêr mair Tênhz điện Sơn La, đồng chí Bí thư Tỉnh ủy tưz mnôngs thơưx car kria pâuz txos hâux lưv ntơưv tsêr mair. Txos hnuz 15/12/2025, hur si têx điện tso tâu ntơưv oz luz tsêr mair Tênhz điện Sơn La thiaz Lai Châu tâu yax 161 tỷ kWh; hâuk shông 2025, hur si têx điện ntơưv oz luz tsêr mair tâu 14,5 tỷ kWh, yax cêr tuôr xav tâu zok. Công ty Tênhz điện Sơn La tưz thêv nhiax trâu têz qơưk zuôr luôs 30.000 tỷ đaiv; fênhx đraz iz shông yax 2.400 tỷ đaiv. Shông 2025, tuôr xav công ty thêv zuôr luôs 3.158 tỷ đaiv, phaiz trâu têx thax tsav thiaz Pênhr por hưv thiaz Huôv tsar har jôngr trơưk cêr chai. Lok sâuv hâux lưv hâur ntu zuôr txos, công ty khov tsưr ziv kriz đar Tênhz điện Sơn La đros trâu oz luz mair, hur si uô tâu 800 MW, chia cov lês tâu jông hâux lưv tso điện trâu têz qơưk, yax hlo zos hâur luz chaix ntux kruôr.

Đồng chí Bí thư Tỉnh ủy kruôk txos qơư sơưr ntơưv tsêr mair tênhz điện lok sâuv tso điện trâu têz qơưk sir zôngv, cxơưz paz zov chênhr trâu hâux lưv huôv tsar nhiax txiax - xã hội thiaz sâu nhiax têz qơưk trâu tỉnh Sơn La. Hâux lưv khov kho đuô, kriz đar zuôr tsuv tâu bax cov jông. Đồng chí cxiz cov Công ty Tênhz điện Sơn La tror siz khov truôx khor đros têx cấp, têx ngành thiaz thax tsav lês tiar ntâuz ntơưr, cxiv tsa tsưr ziv lês hâux lưv chia tỉnh xa trâu Bộ Công Thương thiaz Chính phủ saz lax, quyết định hâur ntu zuôr txos.