Zơưs Sandeep Arya đros nưk tus pox niav thiaz paz côngz xưv tưz muk shuôk Thax tsav nuôv zax Mộc Châu Island tsênhv chênhz mak tus qox iar Bạch Long, tâu 3 jâus ntơưv 3 paz pơưs txâuk njênhs ntiax têz công nhav; muk shuôk thax tsav nuôv zax Phoenix Mộc Châu thiaz homestay Hoa Mộc Miên, tổ dân phố Vặt Hồng, phường Mường Sang.

Ntơưv têx qơư muk shuôk, thơưx car thị xã Mộc Châu, têx tsêr luôv, hợp tác xã tưz kria pâuz thax tsav xênhz txơưv, txux chi thiaz tiz nênhs Mộc Châu kror jông jav. Tsưr ziv huôv tsar nuôv zax đros trâu txuôs jông thax tsav xênhz txơưv thiaz txux chi cênhz cưv kror muôx gri. Txix ntơư, paz zơưs Đại sứ muôx luk kruôk trâu thax tsav tưz pâuz nzaz nzơưv xênhz txơưv, cêr muôx liv chia huôv tsar nuôv zax, hlôngr yiaz têx tsưr ziv huôv tsar nuôv zax ntơưv  Mộc Châu.

Zơưs Đại sứ hlôngr vax huôv têz qơưk Cộng hòa Ấn Độ ntơưv Việt Nam lok six nhiav têx huv nuôv zax ntơưv cxuô tsêr luôv, hợp tác xã hâur thị xã Mộc Châu. Đros ntơư, xar cov tỉnh Sơn La tror paz têx tsưr muôz nhiax uô Ấn Độ tâu tuôx shuôk, cxưx nhiax, siz chos, cxiv tsa têx qơư huôv tsar nuôv zax chia chox chôngz kruô Ấn Độ tuôx shuôk tỉnh Sơn La haik tas nro thiaz Thax tsav nuôv zax Têz qơưk Mộc Châu haik khênhx.