Tok thiaz đros uô hâux lưv, tỉnh Sơn La muôx đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh; thơưx car iz cxia sở, ngành ntơưv tỉnh.

Ntơưv jâus uô hâux lưv, đồng chí Chủ tịch UBPX tỉnh tưz shir phaz lus tok zơưs Đại sứ đros trâu pox niav tưz tuôx shuôk thiaz uô hâux lưv ntơưv Sơn La. Đros ntơư, kria iz cxia hâux lưv lês tâu lol sâuv chính trị, nhiax txiax - xã hội, por hưv cêr nox nhoz njias to tỉnh.

Đồng chí Chủ tịch UBPX tỉnh xar cov hâur ntu zuôr txos, zơưs Đại sứ tsik tsês moz siaz txos thiaz zos nênhs cxơưz paz cêr siz khov txix tỉnh Sơn La đros têz qơưk Cộng hòa Phần Lan. Kria têx xor mông lol sâuv cêr luôv, têx hax huv txâuk chai chia muôs trâu cêr luôv Phần Lan chia Sơn La cxiv tsa cêr tuôr xav uô kôngz lông, muôs hax huv. Hâur ntu lês, tỉnh Sơn La chos lul zuôr paz zôngx ziv trâu têx tuz luôv Phần Lan tuôx muôz nhiax uô lax luôv, uô kôngz lông, paz kria cêr nuôv zax, siz chos muôs hax huv kôngz lông, txir nox ntơưv tỉnh trâu cêr luôv Phần Lan. Đros ntơư, paz tỉnh kriz đar cêr siz khov đros têx nênhs côngv paz kria, têx paz pơưs phi Chính phủ, chia bôngs nzir cêr siz trâus jông, siz khov ntâu zav...

Hlôngr njêx muôs Paz côngz xưv, zơưs Pekka Voutilainen tưz uô đồng chí Chủ tịch UBPX tỉnh thiaz nov hâu têx sở, ngành ntơưv tỉnh tsâus ntâu viv tưz tok thiaz taz shir phaz lus. Zơưs Đại sứ xar cov tror tâu siz khov thiaz kria tuz luôv muôz nhiax huôv tsar uô nox trâu tỉnh Sơn La, yax hlo mal saz kôngz lông, txir nox chia muôs trâu oz chas têz qơưk thiaz paz tỉnh tâu kria tsưr ziv saiz car thiaz zôngv tsưr ziv jông ntơưv Phần Lan, trâu saz saiz car đêx kiak nênhs thiaz por hưv cêr nyiaz hur hâur đrôngs... Đros ntơư, zuôr kria têx zav muôx txơưv nhoz tỉnh Sơn La txos têx tuz luôv nhoz Phần Lan, cxơưz paz cêr siz khov, siz trâus jông Việt Nam - Phần Lan haik tas nro, txix tỉnh Sơn La đros trâu cxuô thax tsav, tsêr luôv Phần Lan haik khênhx, zênhv hnuz lês tâu jông.