Taz thiaz đros paz côngz xưv uô hâux lưv, tỉnh Sơn La muôx đồng chí Nguyễn Thành Công, Phó Chủ tịch UBPX tỉnh; thơưx car cxuô sở, ngành, đơn vị cik txos ntơưv tỉnh; UBPX huyện Sông Mã, Sốp Cộp.

Ntơưv jias uô hâux lưv, đồng chí Nguyễn Thành Công tưz piar kria trâu paz nov pâuz têx hâux lưv huôv tsar nhiax txiax - xã hội, tsưx hưv cêr nhaz xênhz têz qơưk, côngz xưv đros oz chas têz siz khov ntơưv tỉnh hâur ntu đhâu; kria têx zav muôx txơưv zênhx ntơưv tỉnh Sơn La lok sâuv huôv tsar kôngz lông, nuôv zax, huôv tsar cxuô zav điện. Hâur ntu 2021 - 2030, bax txos shông 2050, tỉnh Sơn La tâu njuôk tsov huôv tsar 108 luz tsêr điện đêx zâu, xav tso tâu 1.247,15MW; 18 dự án điện chuô, tso nto 2.837MW; 10 dự án điện yar ntux nto 469MW, 34MW điện sinh khối, 7 MW điện khâuz nhaz... Nhiv no, tỉnh Sơn La tưz muôx 57 dự án tsêr điện đêx zâu tâu uô tiar, tso 670,05MW, uô tiar 1 dự án điện sinh khối 9 MW.

Oz tos tưz saz lax txos têx cêr chai cxưx nhiax uô Dự án điện chuô thax tsav tỉnh Sơn La zos Công ty VESTAS DEVELOPMENT A/S (Têz qơưk Đan Mạch) đros saz lax. Trơưk li Sở Công Thương cxênhz tâu thiaz cxuô sở ngành, đơn vị cik txos tưz saz lax ntơưv Công ty VESTAS DEVELOPMENT A/S lok sâuv cxênhz yuôx, đhos têx chuôz zênhx, ndêx njuôk chuô 2 dự án điện chuô ntơưv huyện Sông Mã thiaz Sốp Cộp. 

Zơưs Nicolai Prytz, Đại sứ Đan Mạch ntơưv Việt Nam uô tsâus nov chox car tỉnh Sơn La tưz shaz phaz lus tok paz nov uô côngz xưv. Đại sứ njênhs tiak Dự án điện chuô thâuv uô tâu zuôr paz lok six ntâu trâu nhiax txiax - xã hội ntơưv Sơn La huôv tsar, cxơưz hâux lưv tsưx hưv điện Việt Nam nhaz xênhz. Đros ntơư, Zơưs cux haik mênhx zuôr tror paz têx tsêr luôv Đan Mạch gra nhiax tuôx uô nox ntơưv Việt Nam haik tas nro thiaz tỉnh Sơn La haik khênhx.

Đồng chí Nguyễn Thành Công tưz uô tsâus têx hâux lưv uôk têx tổ chức ntơưv têz qơưk Đan Mạch tưz đros siz khov, paz nhiax thiaz tsưr ziv huôv tsar truôx  njês hâur thax tsav tỉnh Sơn La. Đồng chí khov paz nov uô côngz xưv tror moz siaz, piar kria, đros têx tổ chức ntơưv têz qơưk Đan Mạch siz khov, tror paz nhiax trâu tỉnh Sơn La uô têx hâux lưv, dự án huôv tsar truôx njês; đros UBPX tỉnh Sơn La paz uô têx ntâuz ntơưr trơưk chai uô jông paz trâu Công ty VESTAS DEVELOPMENT A/S njuôk tsov, cxênhz mênhx dự án điện chuô Sông Mã thiaz Sốp Cộp 1. Tsuv njuôk tsov, cxênhz yuôx dự án trơưk đraiv cêr chai ntơưv Việt Nam.