Chi hội VHNT cxuô hair nênhs tsơưs Việt Nam tỉnh Sơn La muôx 42 hội viên. Ntu shông 2019-2024, têx hội viên tưz huôv nzir cêr thôngx siaz, trâu siaz xav tơưv txux văn học nghệ thuật, paz trâu hâux lưv chính trị ntơưv tỉnh thiaz ntu nênhx txux chi, cưr cxiax ntơưv pêx xênhv cxuô hair nênhs tsơưs. Hâur ntơư, tưz sâu tơưv thiaz yâu mông yênhx cxênhz jax sâu tiar, đros ntâu faz txux sâu; ntâu tus sâu muôx kror txơưx fiv, pov njôngr cêr sâu, txux jax ntêr, cêr xav lý luận haik txos têx txux. Hâur ntu đhâu, têx nênhs sâu ntơưv têx zav tâu cơưv saz văn học nghệ thuật, muôx yax 100 jax tâu zênhx ntơưv Trung ương, thax tsav Tây Bắc - Việt Bắc thiaz ntơưv tỉnh. Đuô li, uô tơưv 19 fâu ntơưr yuôz ntơưv 12 tus nênhs zok sâu, tsov xav txux cưr cxiax pêx xênhv; jax xav zâu, tsov xav, ruôr râuk txux; cok sâu jông - cxaik zênhx zav.

Ntu shông 2025-2030, Chi hội VHNT cxuô hair nênhs tsơưs Việt Nam tỉnh Sơn La côngv fuô, kria têx chỉ thị, nghị quyết ntơưv Đảng, Têz qơưk, lar haik mak Nghị quyết số 33-NQ/TW lok sâuv “Cxiv tsa thiaz huôv tsar txux chi, tiz nênhs Việt Nam fiv huv cêr khov huôv tsar truôx njês trâu têz qơưk”. Tsik tsês cxơưz, paz, chuôz jos trâu hội viên xav tơưv VHNT lok sâuv cêr xav cơưv shâuv thiaz uô trơưk siaz xav, hâux lưv, chux pưv Hồ Chí Minh; Jâus hlôngr yiaz, xưv cxênhx thiaz por hưv Têz qơưk hâur ntu nênhx yiaz. Uô jông tâu hâux lưv kria nzir, qơư xav sâu tơưv txux, côngv đros têx cơ quan kriz têx jâus zaz zâuv xav sâu tơưv VHNT. Côngv cxiv kho, cxaz nzir trâu tổ chức hội, sir jos huôv tsar 5 hội viên yiaz.

Đại hội tưz xair tâu Ban Chấp hành Chi hội VHNT cxuô hair nênhs tsơưs Việt Nam tỉnh Sơn La khóa 7 ntu 2025-2030; xair đại biểu txuv Đại hội VHNT cxuô hair nênhs tsơưs Việt Nam jâus tiv 7 ntu 2025-2030.

Ndax jâus no, Trung ương Hội VHNT cxuô hair nênhs tsơưs Việt Nam tưz puz ntơưr kruôk 1 paz, 9 tus khênhx uô tâu hâux lưv jông yax hâur cêr cxiv kho  thiaz huôv tsar hội.