Bộ chỉ số uô ntâuz ntơưr trâu pêx xênhv, tsêr luôv lol sâuv lês hâux lưv uô ntâuz ntơưr têz qơưk, kria qơư uô ntâuz ntơưr, kria qơư uô ntâuz ntơưr têz qơưk txos 5 côngs chỉ số: Kriz plơưk, mênhx pêv; uô tâu trơưk chai, têx hâux lưv uô ntâuz ntơưr; qơư uô ntâuz ntơưr trực tuyến; uô ntâuz ntơưr huv pêx xênhv siaz; số hoá ntâuz ntơưr. Trơưk li têx hâux lưv lês trâu qơư uô ntâuz ntơưr têz qơưk, tỉnh Sơn La sơưr 27/34 tỉnh, thành phố đros trâu 85,6/100 điểm. Mênhx pêv: Côngs chỉ số kriz mênhx pêv tâu 15,1/18 điểm; uô tiar ntâuz ntơưr tâu 19,6/20 điểm; uô ntâuz ntơưr trực tuyến tâu 13,9/22 điểm; uô ntâuz ntơưr huv pêx xênhv siaz tâu 18/18 điểm; uô ntâuz ntơưr tsês trâu đruôz mair tâu 18,9/22 điểm.

Đhâu phênhz, iz cxia hâux lưv côngs chỉ số ntơưv tỉnh uô tâu tsơưs, lar haik zos têx ntâuz ntơưr uô tsês trâu đruôz mair, uô ntâuz ntơưr trực tuyến thiaz kriz fluôr, pov mênhx pêv tưz tuôr thênhv txos qơư sơưr tas nro ntơưv tỉnh. Iz chas ntơư, tsênhv yuôr ntâuz ntơưr uô tâu kênhz đhâu hnuz nhôngs tênhv ntơưv iz cxia sở, ngành, UBPX cấp xã.

Ntơưv jâus cơưv, hlôngr njêx muôs thơưx car iz cxia sở, ngành, UBPX têx xã, phường tưz haik txos têx cêr phiv liv thâuv uô ntâuz ntơưr têz qơưk, kria qơư uô ntâuz ntơưr têz qơưk trực tuyến hâur ntu đhâu. Đros ntơư, têz têx lul nus txos cênhz cưv uô trâu têx côngs chỉ số tâu tsơưs li: Nênhs thiaz chuôz zênhx công nghệ thông tin tsik tâu txâuk; hâur ntu lês hâux lưv uô ntâuz ntơưr têz qơưk trâu qơư lês hâux lưv điện tử tsik tâu fiv huv trâu nênhs zôngv; qơư uô ntâuz ntơưr têz qơưk tsik tâu txos pêx xênhv hair nênhs tsơưs...

Đồng chí Phó Chủ tịch UBPX tỉnh cxiz têx sở, ngành thiaz UBPX têx xã, phường tror cxênhz, chok nxias têx ntâuz ntơưr têz qơưk uô tâu trơưk li saiz car tâu cxênhz, fuô kria cxix cxuô, mênhx pêv trâu Qơư tsês ntâuz ntơưr têz qơưk lol sâuv uô ntâuz ntơưr, Qơư uô ntâuz ntơưr têz qơưk ntơưv tỉnh thiaz ntơưv Qơư uô ntâuz ntơưr têz qơưk iz kror trôngx. Saiz car ntov hâux lưv uô ntâuz ntơưr, tu tiar têx ntâuz ntơưr tsênhv uô tsik tâu tiar đhâu hnuz nhôngs, lar haik mak saz đêx ar, cxiv puôz; zos têx zav ntâuz ntơưr uô kênhz mal tsuv tâu haik mênhx pêv luz cênhz thiaz tsưr ziv cxiv kho.

Cxuô sở, ngành tror saz lax trâu UBPX tỉnh muôx ndâux lul trâu têx bộ, ngành Trung ương đơưk cêr phiv liv lol sâuv tso điểm Bộ chỉ số uô ntâuz ntơưr trâu pêx xênhv thiaz tsêr luôv. Văn phòng UBPX tỉnh tsik tsês sox njôngr, cxênhz têx hâux lưv lês tâu trơưk Bộ chỉ số ntơưv têx sở, ngành, UBPX cấp xã. Yênhx hli, uô ntâuz ntơưr xair hov, kria trâu Chủ tịch UBPX tỉnh thiaz tso trâu sâuv Cổng thông tin điện tử ntơưv tỉnh chia lês tâu mênhx pêv, chuôz jos sik tưr. Chox car đros têx sở, ngành kriz kria nzir tsưr ziv, "Tuôr têk kria uô hâux lưv" ntơưv xã, phường uô tâu hâux lưv tsơưs, zênhx max đơưk cêr phiv liv lol sâuv côngz xưv, zôngv số thiaz đơưk têx zav muôx yưv.