Dự án cxiv khov Tsêr kho moz Đa khoa tỉnh Sơn La yênhx tsêr kho moz tỉnh muôx txâuk pênhr xưv chia njuôk, kho moz trâu pêx xênhv nhoz thax tsav Tây Bắc; muôx pênhr xưv kho têx moz hnhar, cxơưz paz txo tsơưs têx nênhs muk kho moz trâu trung ương, tsi njênhk cxuô lênhx pêx xênhv puôr lênhx tâu sir zôngv tsưr ziv jông chia njuôk, kho moz.

Dự án zuôr cxiv kho Tsêr kho moz Đa khoa tỉnh txix li 550 luz txax pư (nhiv no muôx 750 luz txax pư) txos trâu 1.000 luz txax pư kho moz; têx phòng khoa ntơưv tsêr kho moz cux tâu cxiv kho đuô txix li 35 khoa, phòng ndê txos 48 khoa, phòng; lês hâux lưv nhav, kho têx moz hnhar.

Tsêr kho moz zuôr tâu tuôr xav tsưr ziv huôv tsar, lês jông đuô côngz xưv njuôk kho moz fiv huv trâu pêx xênhv hâur thax tsav cêr nyơư hâur njuôk, kho moz; cxaz nzir pênhr xưv lês hâux lưv yiaz hâur yênhx shông. Hur si nhiax lês hâux lưv tuôr xav mal 2.095 tỷ đaiv. Six hơưv fuô lês txix shông 2025 - 2030.

Hâur jias uô hâux lưv, têx đại biểu tưz kria pâuz têx cêr phiv liv, chor nhov cik txos hâux lưv zok tsưr ziv cxiv tsa báo cáo kria pâuz têx zav zôngx ziv, phiv liv ntơưv dự án txix li Sở Y tế chia muôz trâu Ban saiz car dự án muôz nhiax cxiv puôz têx hâux lưv thiaz huôv tsar đrôngs tỉnh Sơn La; tsik tâu muôz pênhr nhiax chia xair đơn vị lês hâux lưv muôx pênhr xưv lês nuv; phiv liv lok sâuv côngz xưv choz kria nênhs uô nuv coz, bảo hiểm y tế, iz cxia dự án zuôr chuôz zênhx njuôk, kho moz hâur tsêr kho moz...

Muôx luk jias uô hâux lưv, đồng chí Phó Chủ tịch Thường trực UBPX tỉnh cxiz cov ngành Y tế thiaz Tsêr kho moz Đa khoa tỉnh lês trơưk đraiv têx cêr chai, chox car ntơưv tỉnh lok sâuv fuô lês côngz xưv y tế. Tror siz khov lês tiar njiaz luk dự án, tuôr xav mênhx six hơưv, tsưr ziv fuô lês, tsi njênhk muôx têx chuôz zênhx njuôk, kho moz fiv huv cov njuôk, kho moz trâu jông trâu cxuô lênhx pêx xênhv.

Cxiv tsa ntâuz ntơưr khov fuô lês hâux lưv muôz nhiax cxiv puôz qơư uô hâux lưv kuz ntơưv Tsêr kho moz Đa khoa tỉnh, muôx 100 luz txax pư kho moz; moz siaz choz kria, cxaz nzir têx nênhs lês hâux lưv coz; kho đuô dự án zuôr chuôz zênhx njuôk, kho moz trơưk đraiv cêr chai. Cxiz cov Tsêr kho moz Đa khoa tỉnh cxênhz, saiz car, sir zôngv tâu jông têx chuôz zênhx tưz tâu zuôr, moz siaz hlôngr uô ntâuz ntơưr têz qơưk, hlôngr pâur số lok lês côngz xưv chuyên môn thiaz njuôk, kho moz...

Uô ntêx ntơư, đồng chí Phó Chủ tịch Thường trực UBPX tỉnh thiaz Paz côngz xưv tưz muk cxênhz yuôx ntơưv têx khoa, phòng Tsêr kho moz Đa khoa tỉnh kuz (phường Tô Hiệu) thiaz Tsêr kho moz Đa khoa tỉnh yiaz (phường Chiềng Sinh).