Dự án cxiv kho thiaz huôv tsar thax tsav puôr fênhx cênhz cưv Cêr yuôv Cò Nòi kror muôx gri taz tov fuô lês ntu 2. Nhiv no, cxuô sở, ngành thành viên Ban Chox car cxiv kho thiaz huôv tsar Thax tsav puôr fênhx cênhz cưv Cêr yuôv Cò Nòi kror muôx gri (bê hu uô Ban Chox car 1956) tưz moz siaz siz chos fuô lês têx hâux lưv tâu zok; taz tov uô têx hâux lưv dự án zos cêr tuôr xav.  

Hâur ntơư, tưz cxiv tsa dự án xav tơưv, cxiv puôz nthuôr ntâuz ntơưr, chuôz zênhx saiz đaz muôs ntơưv Tsêr nthuôr puôr fênhx cênhz cưv Cêr yuôv Cò Nòi thiaz saz đrâuv puôr fênhx; fuô lês côngz xưv zok nriar, khơưs tsês chuôz zênhx saiz đaz muôs têx thax tsav chia muôz lok nthuôr; taz tov đros Ban Saiz car dự án cxưx nhiax cxiv puôz Trung ương Đoàn cxiz njôngr, zênhx max sir jos uô cov tiar Dự án Ndêx huôz kas đaz kruô zos Trung ương Đoàn tsưr muôz nhiax uô; tưz tso chai lês tsưr ziv thêv nhiax ar, shôngz ntông, paz nhiax trâu têx ziv nênhs nhoz hâur dự án zos Trung ương Đoàn tsưr muôz nhiax uô; tưz tso chai lês hâux lưv paz nhiax yaik qơư nhoz yiaz, cxiv puôz 2 luz jok yiaz trâu têx ziv nênhs mas tuôr thênhv txos nhoz hâur dự án trâu UBPX xã Mai Sơn tsưr muôz nhiax uô...

Côngz xưv fuô kria Puôr fênhx cênhz cưv Cêr yuôv Cò Nòi txiax njis thiaz kror muôx gri cênhz cưv tror tâu fuô lês tsik tsês; hâur ntơư, fuô kria lok sâuv côngz xưv tsov xav, yaik qơư nhoz yiaz, cxưx nhiax cxiv puôz têx hâux lưv ntơưv dự án ntu 2; kriz têx hâux lưv ndo txiax njis, choz kria cênhz cưv ntơưv puôr fênhx.

Paz côngz xưv tưz cxênhz yuôx hâux lưv cxiv puôz têx kror nhoz hâur dự án; đros đơn vị uô saz lax, cxênhz yuôx hâux lưv; muôx ndâux luk trâu têx tsưr ziv chia đơưk tâu sai cêr txov nhêv, khuôv đais, đros ntơư zênhx max  uô cov tiar hâux lưv zos cêr tuôr xav.

Đhâu cxênhz, đồng chí Phó Chủ tịch Thường trực UBPX tỉnh cxiz cov cxuô sở, ngành cik txos tsik so siz chos fuô lês hâux lưv tâu zok; moz siaz đơưk cov tâu sai côngz xưv thuk ar, thêv nhiax ar shôngz ntông, yaik qơư nhoz yiaz cêr txov nhêv, khuôv đais; saz lax zênhx max uô tiar hâux lưv piar thênhv muôx vax huôv paz cxênhz yuôx cxiv kho, bax nhiax pênhr chia fuô lês dự án; tsik so cxênhz yuôx hâux lưv fuô lês dự án, nhav nxiak zos đraiv chai thiaz hnuz nhôngs tưz tso tơưv.