Ntu 2020-2025, tâu kror paz max ntơưv cxuô bộ, ban, ngành Trung ương, lar haik Bộ Công An, Bộ Kế hoạch thiaz Đầu tư (nhiv no zos Bộ Tài chính), Bộ Dân tộc thiaz Tôn giáo, iz cxia tỉnh li Hưng Yên, Đồng Nai… thiaz tso tơưv têx cxiax cxênhx, đề án tâu fuô lês hâur thax tsav, tỉnh Sơn La tưz cxiv kho, uô yiaz 12.667 luz tsêr đos đis, xâu nas xav hur si yax 628 tỷ nhiax (hâur ntơư, nhiax gruô hu paz nênhs, tus khênhx siaz jông côngv tâu yax 443 tỷ nhiax; nhiax zôngv têz qơưk yax 185 tỷ nhiax), paz por hưv têx ziv nênhs txov nhêv lok sâuv tsêr nhoz cxiv tsa luz nênhx truôx njês.

 Taz sik, hâur shông 2025, tiv ntus nas hloz hiav, ntâu kror qơư hâur thax tsav tỉnh Sơn La tưz mas ruôr hiav saz lok sâuv tiz nênhs thiaz chuôz tav. Nhiv no, tỉnh taz tov tror chox car cxuô xã, phường cxênhz yuôx têx luz tsêr mas coz nas hloz hiav, tsêr đos đis, xâu nas muôx nzir hâur thax tsav chia cxiv tsa tsưr ziv paz.

Đros trâu hâux lưv fuô lês Cxiax cxênhv Têz qơưk xav 1719 shông 2025, Sở Dân tộc thiaz Tôn giáo tưz uô jông kria têx sở, ban, ngành ntơưv tỉnh, UBPX cxuô xã, phường pâuz uô trơưk tov kaz cxiv kho, tổ chức nov hâu thax tsav 2 cấp. Lok sâuv pênhr nhiax zôngv Trung ương tưz kênhx mênhx pêv yax 1.302 tỷ nhiax/1.444 tỷ nhiax. Hâur ntơư, pênhr cxưx nhiax huôv tsar tưz kênh mênhx pêv yax 734 tỷ nhiax tâu 83,7% tsưr ziv pênhr zok; pênhr xưv cxênhx tưz kênh mênhx pêv yax  567 tỷ nhiax tâu 100% tsưr ziv zok.  

Câuk luk jias cơưv, đồng chí Phó Chủ tịch UBPX tỉnh cxiz cov têx xã, phường cxênhz yuôx cêr khov kho tsêr đos đis, xâu nas muôx nzir txos hnuz xiaz 10/10/2025, nhav nxiak mênhx pêv, zos nênhs, zos chai. Tov kaz cxênhz yuôx tsuv xair tsov têx nênhs tâu paz uô tsêr uô ntêx hnuz 30/10/2025, tas ntơư moz siaz fuô lês hâux lưv paz uô tsêr đos đis sir jos txos hnuz 31/12/2025 uô tiar hâux lưv paz uô tsêr đos đis, xâu nas trâu têx ziv nênhs muôx nzir.  Cxuô xã, phường tưz kênh, thêv nhiax Cxiax cxênhv Têz qơưk xav 1719; zênhx max kria pâuz têx txov nhêv, khuôv đais hâur ntu cxênhz yuôx, zênhx max đơưk cov tâu sai cêr chor nhov.