Fuô lês Quyết định số 3091/QĐ-UBPX hnuz 3/12/2025 ntơưv Chủ tịch UBPX tỉnh tsa Hội đồng cxênhz yuôx thiaz tsa Paz nênhs paz hâux lưv cxênhz yuôx njuôk tsov jok, xã thax tsav pêx xênhv hair nênhs tsơưs thiaz tox siaz, hâux lưv cxênhz yuôx, njuôk tsov thax tsav lok six txov nhêv thiaz xã thax tsav I, II, III thôngz tỉnh; cxuô sở, ngành fuô têx ntơưr kria cxuô xã cxênhz trơưk tiêu chí, tso điểm trơưk chai. 

Têx thành viên Hội đồng cxênhz cias cxuô qơư, lok sik đhâu têx ntơưr piar kria, đros xã cơưv trực tuyến njuôk tsov tâu zok hâux lưv. Trơưk cxuô qơư tâu cxuô ngành kria, cxuô xã cxênhz yuôx, tso điểm trơưk tiêu chí, đơưk cêr phiv liv ntơưv cxuô xã hâur ntu fuô lês hâux lưv cxênhz yuôx. Txos hnuz 22/12/2025 muôx 63/75 xã, phường tưz xa têx ntâuz ntơưr Paz nênhs paz hâux lưv cxênhz tâu. Đhâu cxênhz tâu txos nhiv no, muôx 5 xã, phường zos thax tsav I; 6 xã, phường zos thax tsav II; 52 xã, zos thax tsav III.

Ntơưv jias uô hâux lưv, đồngc Phó Chủ tịch UBPX tỉnh cxiz têx thành viên cov tsi njênhk phênhv shuôv tâu zok, đơn vị lês tiar côngz xưv cxênhz yuôx hâux lưv xav mênhx thôn, xã thax tsav pêx xênhv hair nênhs tsơưs thiaz tox siaz trơưk đraiv chai. Zênhx max sâu cov cxix cxuô zav ntơưr fênhx đraz iz tus pêx xênhv hâur xã tsik tâu tiar; cxênhz thiaz njuôk tsov tiêu chí pov kaz kho cov fiv huv; cxiz thiaz paz cxuô xã uô cov tiar têx ntâuz ntơưr, tso điểm, fiv huv trơưk Nghị định 272/2025/NĐ-CP ntơưv Chính phủ.