Txos nhị no, huyện Bắc Yên muôx 14/16 xã, thị trấn yuôr tsêr khâuz hlaz; muôx 2 luz xã tsik yuôr pêx xênhv nhoz tsêr khâuz hlaz, zos Phiêng Côn thiaz Phiêng Ban. Tas nro têx ziv txâuk chai paz uô tsêr nhoz thôngz huyện zos 161 ziv, hâur ntơư 153 ziv pluôs, 8 ziv jê cêr pluôs. Huyện Bắc Yên tưz uô tâu 130 luz tsêr, yuôr 31 luz tsêr taz tov uô. Xav txos hnuz 20/4, Bắc Yên tưz uô tiar hâux lưv paz uô tsêr trâu pêx xênhv txov nhêv nhoz.

Đhâu cxênhz yuôx ntơưv têx xã Mường Khoa, Song Pe thiaz thị trấn Bắc Yên, paz nov uô côngz xưv cxiz cấp ủy, nov hâu huyện tror moz siaz uô cov sai; cxênhz yuôx tsik so cov têx tsêr tâu uô jông. Iz chas ntơư, zuôr tsuv lês têx chai paz têx ziv pêx pluôs, jê cêr pluôs muôx txâuk sir txâuk zôngv, uô nênhx truôx njês.