Hâur têx shông lok no, têx qơư tưx kriz njuôk kho moz, muôs yuôx ntơưv thax tsav tỉnh tưz muôx ntâu jux juk, cxơưz paz zov chênhr trâu côngz xưv tu pêx xênhv đas jos. Hâur ntu shông 2021-2025, muôx 117 kror qơư tâu muôz, muôz đuô ntâuz ntơưr tso chai njuôk kho moz. Hâu ntơư muôx 8 qar njuôk kho moz ntâu khoa; 86 qar njuôk kho moz chuyên khoa thiaz sir zôngv yuôx njuôz chia kho moz; 25 cơ sở dịch vụ y tế; 1.701 thaz nzưr muôs yuôx tâu muôz ntơưr tso chai uô lax luôv muôs yuôx. Têx nênhs lês hâux lưv ntơưv têx qơư njuôk kho moz zênhv hnuz zênhv lês tâu hâux lưv coz thiaz saiz car, fiv huv trâu hâux lưv njuôk kho moz trâu pêx xênhv. Côngz xưv cxênhz yuôx têx qơư tưx kriz njuôk kho moz tưz tâu moz siaz txos; tưz kriz 17 jias cxênhz yuôx trâu 146 cơ sở; bluô 28 cơ sở cxâuv chai đros trâu hur si nhiax yax 336 triệu đaiv.

Iz chas têx hâux lưv lês tâu, côngz xưv saiz car hâux lưv kriz qơư njuôk kho moz, muôs yuôx hâur thax tsav tsênhv muôx yưv iz cxia cêr chor nhov, li: Muôx iz cxia qơư tsênhv muôs têx hax huv tsik tâu tso chai, têx nênhs muôs yuôx lês tsik lês tiar ntâuz ntơưr trơưk li Sở Y tế cxênhz yuôx, tso chai trơưk cêr chai. Phênhv ntâu têx qơư ntơư sir zôngv têx fiax fuô kria tsik fiv huv trơưk li hâux lưv tâu lês. Têx nênhs sir zôngv tsik pâuz txos têx ntâuz ntơưr tso chai lês hâux lưv, tsuôk zos njênhs trâu têx zav fuô kria sâuv web, sâuv mạng xã hội…

Paz cxênhz yuôx cxiz cov Sở Y tế tror saz lax trâu UBPX tỉnh tso tơưv têx ntâuz ntơưr cik txos côngz xưv saiz car têz qơưk trâu têx qơư kriz njuôk, kho moz, muôs yuôx. Moz siaz siz khov đros têx sở ngành, têx xã, phường moz siaz fuô kria chia têx qơư lês hâux lưv njuôk kho moz, muôs yuôx lês trơưk đraiv cêr chai. Tror moz siaz cxênhz yuôx têx qơư lês hâux lưv hâur thax tsav; moz siaz kria, cxênhz yuôx, bluô têx nênhs cxâuv chai chia cov paz por hưv tâu jông pêx xênhv vax huôv zos chai.