Đros Paz nov uô hâux lưv, tỉnh Sơn La muôx đồng chí Đặng Ngọc Hậu, Phó Chủ tịch UBPX tỉnh; nov chox car iz cxia sở, ban, ngành ntơưv tỉnh thiaz phường Chiềng Cơi.

Têx shông đhâu, tỉnh Sơn La tưz fuô lês cêr chai pox niav txir nênhx vax huôv siz luôs, pov njôngr cxuô cấp, ngành thiaz tsôngv pêx xênhv muôx ntâu hlôngr yiaz. Têx ntơưr fuô kria chai zênhv hnuz zênhv tâu moz saz lês jông, cxơưz vax huôv pox niav iz thênhv jux juk thiaz pox niav txir nênhx uô nênhx vax huôv siz luôs đuô. Cxuô zav tâu fuô lês luôx juk 8 luz luôs hâux lưv, Cêr chai pox niav txir nênhx vax huôv siz luôs, hâur ntơư lês chai chính trị têx pox niav uô cấp ủy tỉnh txênhz yax 18%, đại biểu HĐPX tỉnh khóa 16 txênhz 37%, cấp xã 33%. Saz choz kria, njuôk kho moz, mak yax 99% mê nhuôv hair nênhs tsơưs cơưv tas tiểu học, 92% cơưv tas THCS; Côngz xưv tu đas jos xênhz tuz trâu pox niav nhoz tox siaz tâu lês jông, txo tsơưs jux juk tỷ tsôngv têx niav zus mê nhuôv thiaz mê nhuôv mok tuôs, tuz nxaik siz zuôr nzor, cxênhz jê siz zuôr, paz tsôngv pox niav huôv tsar cxix cxuô đuô. 

. 

Tỉnh Sơn La khov paz nov cxênhz yuôx cov saz lax trâu Quốc hội, Chính phủ, Thủ tướng Chính phủ njuôk tsov, kho, hlôngr têx cêr chai paz cán bộ pox niav hair nênhs tsơưs; kria nzir tsưr ziv lês hâux lưv trâu cán bộ lês côngz xưv pox niav txir nênhx uô nênhx vax huôv siz luôs ntơưv têx xã, jok; paz tỉnh têx hâux lưv dự án hâur têz qơưk luôs hâux lưv pox niav txir nênhx uô nênhx vax huôv siz luôs cov truôx njês; kria xair nênhs uô hâux lưv, paz nhiax lês côngz xưv cxênhz yuôx cov fiv huv hâux lưv nov hâu oz cấp.

Ntơưv jias saz lax no, Đồng chí Nguyễn Thị Kim Thúy, Phó Chủ nhiệm Ủy ban Txux chi thiaz Xã hội ntơưv Quốc hội, kruôk tỉnh Sơn La têx hâux lưv tưz lês tâu hâur ntu fuô lês chai pox niav txir nênhx vax huôv siz luôs. Iz chas ntơư, cux cxiz tỉnh tror uô jông lês hâux lưv choz kria, xair nzir cán bộ pox niav lês côngz xưv saiz car hâur têx cơ quan têz qơưk. Moz siaz fuô kria chai cov tsôngv pêx xênhv thôngz chai pox niav txir nênhx vax huôv siz luôs; Saiz car ntov hâux lưv lês chai cov pox niav txir nênhx thôngz tỉnh vax huôv siz luôs truôx njês.