Hâur jias uô hâux lưv, hlôngr njêx muôs têx xã thax tsav Yên Châu tưz kria pâuz hâux lưv cxiv tsa cêr tuôr xav lês Luôs hâux lưv têz qơưk ntu 2026-2030. Trơưk ntơư, têx xã tưz kriz cxênhz têx hâux lưv nhoz hâur Luôs hâux lưv têz qơưk huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz, moz siaz trâu têx njiaz luk zov chênhr li: Muôz nhiax cxiv puôz cêr yêz, vax tsê cxuô zav; paz uô kôngz lông, paz muôx hâux lưv uô truôx njês; txix ntơư paz trâu pêx xênhv luz nênhx tâu jông đuô.

Lok sâuv côngz xưv hlôngr uô ntâuz ntơưr têz qơưk, têx xã thax tsav Yên Châu tưz moz siaz cxiv kho đuô qơư lês hâux lưv, cxaz nzir pênhr xưv trâu têx cán bộ, công chức; moz siaz sir zôngv công nghệ thông tin lok uô ntâuz ntơưr chia truz lur six hơưv uô ntâuz ntơưr trâu têx paz pơưs, tus khênhx.

Haik txos luôs hâux lưv paz uô tsêr nhoz, têx xã tưz moz siaz cxênhz têx zis xar tâu cêr paz; đros ntơư gruô hu pênhr nhiax têz qơưk, têx dự án thiaz cêr côngv têk ntơưv cxuô lênhx pêx xênhv, tsêr luôv siz chos paz. Txix ntơư, ntâu zis pluôs, jê cêr pluôs tưz muôx tsêr nhoz, truôx njês luz nênhx.

Txix li têx ndâux luk ntơưv thax tsav, thơưx car têx sở, ngành tưz saz lax thiaz kria mênhx pêv trâu têx xã hâur cxiv tsa cêr tuôr xav khov lês Luôs hâux lưv têz qơưk ntu 2026-2030; đros ntơư saz lax têx njiaz luk cik txos saiz car, sir zôngv pênhr nhiax têz qơưk, tu cử tri têx ndâux luk khov thiaz lês cêr chai paz têx nênhs txov nhêv hâur thax tsav.

Câuk luk jias uô hâux lưv, đồng chí Đặng Ngọc Hậu, Phó Chủ tịch UBPX tỉnh cxiz cov cxuô thax tsav lês jông hâux lưv cxênhz yuôx thax tsav, tuôr xav mênhx hâux lưv zov chênhr chia lês hâur ntu 2026-2030 fiv huv trâu thax tsav, moz siaz lês têx hâux lưv paz max trâu pêx xênhv luz nênhx. Moz siaz trâu hâux lưv paz uô tsêr nhoz trơưk cêr tuôr xav ntơưv tỉnh. Moz siaz gruô hu, sir zôngv tâu jông têx pênhr nhiax chia lês hâux lưv, tsi njênhk cov zos nênhs, trơưk đraiv cêr tuôr xav. Moz siaz fuô lês hâux lưv uô ntâuz ntơưr têz qơưk sâuv mạng, cxaz nzxir pênhr xưv trâu tus thơưx car, lês ntov chai, muôz pêx xênhv saiz hloz chia lês hâux lưv cov tâu jông đuô.

Uô ntêx ntơư, đồng chí Phó Chủ tịch UBPX tỉnh thiaz Paz côngz xưv tưz muk cxênhz yuôx iz cxia hâux lưv, dự án hâur têx xã Yên Sơn, Phiêng Khoài, Yên Châu.