Hâur jias cơưv, têx đại biểu tưz tâu kria Quyết định số 766/QĐ-TTg hnuz 23/6/2022 ntơưv Thủ tướng Chính phủ tso chai lês Bộ chỉ số chox car thiaz cxênhz tsưr ziv lês hâux lưv trâu pêx xênhv, tsêr luôv trơưk six hơưv uô nuv sâuv mạng điện tử; cxênhz thiaz tso tơưv têx tsưr ziv cxaz nzir điểm têx tiêu chí trơưk Bộ chỉ số paz lês hâux lưv trâu pêx xênhv thiaz tsêr luôv; kria têx hâux lưv uô ntâuz ntơưr sâuv mạng thiaz chữ ký số paz max chia uô nuv.

Têx shông đhâu, tỉnh Sơn La tưz lês tâu ntâu zav jông hâur saz hlôngr uô ntâuz ntơưr têz qơưk, sir zôngv công nghệ thông tin thiaz hlôngr pâur số. Taz sik, têx zav cxênhz tâu trơưk li bộ chỉ số hlôngr uô ntâuz ntơưr têz qơưk thiaz chỉ số pêx xênhv jông siaz tsênhv tsik tâu siaz. Shông 2025, Sơn La sơưr tiv 23/34 tỉnh, thành phố hâur hur si têz qơưk; iz cxia hâux lưv taz nhav, uô ntâuz ntơưr sâuv mạng thiaz sir zôngv chữ ký số tsênhv tsik tâu cxix cxuô, tsik tâu jông.

Muôx luk hâur jias cơưv, đồng chí Phó Chủ tịch UBPX tỉnh cxiz cov têx sở, ban, ngành thiaz UBPX têx xã, phường lês ntov nti hâux lưv taz nhav, uô ntâuz ntơưr sâuv mạng thiaz sir zôngv tâu jông chữ ký số. Tov kaz jias cơưv, cán bộ, công chức zuôr tsuv sir zôngv cias têx tsưr ziv lok lês hâux lưv, chia cov paz max uô ntâuz ntơưr tâu jông đuô trâu pêx xênhv, tsêr luôv thiaz sir jos paz trâu tỉnh nhoz hâur 15 luz têz qơưk lês tâu jông hâur shông 2026.