Bộ chỉ số paz lês hâux lưv trâu pêx xênhv, tsêr luôv hâur uô ntâuz ntơưr têz qơưk muôx 5 zav chỉ số: Lês trâu sơưr đơưk pov njôngr, ndax ndênhk; hâux lưv uô ntâuz ntơưr; tu ntâuz ntơưr sâuv mạng; pêx xênhv thiaz tsêr luôv nhiav; số hoá ntâuz ntơưr. Trơưk têx zav lês tâu sâuv Yôngx lês hâux lưv uô ntâuz ntơưr têz qơưk, tỉnh Sơn La sơưr tiv 29/34 tỉnh, thành phố, đros trâu 86,94/100 điểm. Têx chỉ số lês trâu sơưr đơưk pov njôngr, ndax ndênhk tâu 15,3/18 điểm; hâux lưv uô ntâuz ntơưr tâu 16,39/20 điểm; hâux lưv tu ntâuz ntơưr sâuv mạng tâu 14,31/22 điểm; pêx xênhv thiaz tsêr luôv txâuk siaz tâu 17,88/18 điểm; số hóa ntâuz ntơưr tâu 19,75/22 điểm.

Đhâu cxênhz, iz cxia chỉ số ntơưv tỉnh tsênhv kik, yax hlo zos lês trâu sơưr đơưk pov njôngr, ndax ndênhk; tyv tsôngv uô ntâuz ntơưr, thêv nhiax sâuv mạng tsênhv kik, tsưr ziv muôz têx hâux lưv zov chênhr tsêr hâur ntơưr tsênhv tsik tâu txâuk chai. Iz chas ntơư, tsênhv muôx yưv hồ sơ đhâu hnuz nhôngs uô tsik tâu tiar ntơưv iz cxia sở, ngành, UBPX cấp xã.

Muôx luk jias uô hâux lưv, đồng chí Phó Chủ tịch UBPX tỉnh cxiz cov têx sở, ngành, UBPX têx xã, phường tror muk trâu Yôngx lês hâux lưv têz qơưk chia saiz têx quyết định ntơưv têx bộ, cơ quan txix bộ chia zênhx max saz lax trâu Chủ tịch UBPX tỉnh kria pâuz têx ntâuz ntơưr uô sâuv mạng ntơưv tỉnh chia cov trơưk đraiv cêr chai. Moz siaz lês jông côngz xưv kria têx paz pơưs, pêx xênhv lok sâuv tsưr ziv xa ntâuz ntơưr sâuv mạng, thêv nhiax uô hâux lưv sâuv mạng thiaz thiv ntâuz ntơưr sâuv mạng. Zênhx max kria pâuz têx ntâuz ntơưr muôx yưv yiaz; tsik tsês cxênhz yuôx têx ntâuz ntơưr chia cov uô tiar trơưk đraiv hnuz nhôngs tênhv. Qơư uô ntâuz ntơưr têz qơưk tỉnh kria têx sở, ngành, UBPX cấp xã, phường thôngx iz trôngs luk lês hâux lưv, chia cov cxaz nzir Bộ chỉ số paz lês hâux lưv trâu pêx xênhv, tsêr luôv.