Jias tưr Gâux Njuôz nuôv zax hair nênhs tsơưs Việt Nam 2025 thơưx jias tâu tso yar tưr chia kruôk pox niav 54 hair nênhs Việt Nam. Jias tưr tsik zos kror qơư chia têx nxaik jông gâux tưr luz chêr jông gâux, khax jav, muôx pênhr xưv, txơưx nthuôr phaz nzưr xưz, tsênhv chia piar kria nhiak têx txux chi jông, cêr thôngx siaz cxuô hair nênhs; siz chos tsưx hưv, nthuôr kria têx txux chi jông, cxơưz nuôv zax huôv tsar truôx njês thiaz huôv tsar nuôv zax jêx jok-têx cêr huôv tsar yiaz.

Thơưx lưv thiaz lưv tưr ntu đruôz đraz xav zuôr tưr trâu luz 10/2025. Ban tso yar tưr chia xair 30 lênhx coz yax tưr jias suôx câuv trâu hmo 15/11/2025 ntơưv Mộc Châu Island, phường Mộc Châu, tỉnh Sơn La thiaz zuôr tso trâu sơưr đơưk saiz cias đhâu Báo thiaz xor tôngx chuô xa đuôz Sơn La thiaz tâu têx Đài xa đuôz têx tỉnh, thành hâur thôngz têz qơưk txaik đuôz kriz trâu sơưr đơưk saiz.

Muôx qơư nuôv zax taz tov tâu uô jông, Têz qơưk thax qơư nuôv zax Mộc Châu tâu xair uô qơư tưr Gâux Njuôz nuôv zax hair nênhs tsơưs Việt Nam 2025. Hâur ntơư, thax qơư nuôv zax Mộc Châu Island zos kror qơư tưr ntu đruôz đraz, hmo tưr suôx câuv thiaz têx hâux lưv tsênhv chênhz jias tưr.

Têx nxaik tưr zos pêx xênhv Việt Nam nhoz thôngz têz qơưk lok sik nhoz, cơưv shâuv trâu têz qơưk đrâuk. Ban tso yar tưr txaik ntơưr chos luk tưr txix hli 7/2025 tax txos hnuz 30/9/2025. Txos nhiv no, tưz muôx yax 50 lênhx chos luk tưr.