Côngv jias cơưv muôx đồng chí: Đinh Thị Bích Thảo, Ủy viên Ban Thường vụ Tỉnh ủy, Thơưx ban Tuyên giáo thiaz Dân vận Tỉnh ủy; Xuân Xênhv Tsaz, Phó Chủ tịch Thường trực UBPX tỉnh, têx thành viên, tiểu ban paz lês hâux lưv Ban tổ chức Jias saiz hloz. Jias cơưv tâu kriz yưv tivi txos 75 xã, phường ntơưv tỉnh.

Hâur jias cơưv, têx tiểu ban paz lês hâux lưv ntơưv Ban tổ chức tưz kria pâuz côngz xưv siz khov lês hâux lưv. Txos nhiv no, têx njiaz luk phaiz tâu têx tiểu ban paz lês hâux lưv fuô lês trơưk đraiv cêr tuôr xav. Ban Tuyên giáo thiaz Dân vận Tỉnh ủy chox car têx báo cáo viên, tuyên truyền viên thiaz têx cơ quan báo chí ntơưv tỉnh, trung ương nhoz hâur thax tsav tỉnh kriz fuô kria Jias saiz hloz. Sở Txux chi, Thể thao thiaz Nuôv zax siz khov cxiv tsa cxênhx cxênhv kriz jias saiz hloz; cxiv tsa têx qơư hâur yar tiax ntơưv Hnuz grâuv pax txux chi cxuô hair nênhs tỉnh Sơn La ntơưv Yar tiax lox Tây Bắc; cxênhz bê têx đại biểu chơư tuôx côngv…

Jias saiz hloz 130 shông Hnuz tsa tâu tỉnh Sơn La zuôr kriz trâu hnuz 10/10/2025, ntơưv Yar tiax lox Tây Bắc. Iz chas ntơư Jias saiz hloz muôx têx hâux lưv li: Jias tưr sâu văn học - nghệ thuật đros trâu njiaz luk “Sơn La 130 shông cxiv tsa thiaz huôv tsar ”; kriz uô tiar iz cxia công trình, dự án lox ntơưv tỉnh; kriz Hnuz grâuv pax txux chi cxuô hair nênhs tỉnh Sơn La; fuô kria têx zav jông lok sâuv huôv tsar nhiax txiax - xã hội; hax huv nuôv zax, kôngz txir nox hur, hax huv OCOP tỉnh Sơn La; siz tưr nthuôr txux chi tuôr têk sênhr chêr Poz ziz; nthuôr cxuô hair nênhs hâur thax tsav tỉnh Sơn La; siz tưr têx môn thể thao; fuô kria hax huv kôngz, txir nox ntơưv cxuô thax tsav...

Muôx luk hâur jias cơưv, đồng chí Nguyễn Đình Việt tưz kruôk txos hâux lưv fuô lês nuv tâu zok ntơưv têx tiểu ban. Đồng chí cxiz cov sở, ngành, đơn vị cik txos siz khov truôx khor đros têx đơn vị kriz hâux lưv fuô lês têx hâux lưv tâu zok; por hưv thax tsav nox nhoz njias to, por hưv đêx ar, huôz chuô nyiaz hur. Moz siaz fuô mông sâuv mạng xã hội. Moz siaz cxênhz yuôx hâux lưv fuô lês têx njiaz luk tâu zok chia cov Jias saiz hloz 130 shông Hnuz tsa tâu tỉnh Sơn La kriz yênhx côngz.