Jâus uô hâux lưv muôx têx đồng chí: Lò Minh Hùng, Phó Bí thư Thường trực Tỉnh ủy; Nguyễn Đình Việt, Phó Bí thư Tỉnh uỷ, Chủ tịch UBPX tỉnh, Thơưx paz đại biểu Quốc hội tỉnh; Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí Ủy viên Ban Thường vụ Tỉnh ủy, têx đồng chí Phó Chủ tịch UBPX tỉnh, thơưx car iz cxia sở, ngành ntơưv tỉnh.

Txix hâu shông txos nhiv no, thax tsav tỉnh tưz yưv ntâu jâus ntux lol nas hloz thiaz chuô đax hiav puôk tiz nênhs thiaz chuôz tav. Lar haik, coz chuô đax shơư nas số 3, ntâu thax tsav hâur tỉnh muôx ntux nas lok ntêr, đêx huôv nhaz thiaz ar poz cxuz hiav saz txos tiz nênhs, chuôz tav tuôv txênhv pêx xênhv thiaz Têz qơưk.

 Txix hnuz 19 txos 27/7, thax tsav tỉnh ntux hiav saz tiz nênhs thiaz chuôz tav. Muôx 5 tus tuôs thiaz 1 tus nênhs plox zok tsik tâu; 324 luz tsêr puôk tsuôx; yax 112 ha blêx liax, 18 ha ntông nox txir, kôngz yênhx shông, pax; 90 tus tsiax lox, 2.560 tus tsiax zâu mas đêx yôngz lơưv; ntâu ntu cêr yêz, công trình tâur đêx uô kôngz, yar cơưv, têx qơư tso điện đêx, qơư muôx mông siz  thôngz… mas puôk tsuôx saz; xav puôk yax lơưv 104,6 tiv đaiv nhiax. 

Cias tov kaz muôx ntux nas hiav, têx đồng chí thơưx car tỉnh tưz muk cxênhz yuôx ntơưv qơư, chox têx nênhs tâu chai, sở ngành fuô lês cias côngz xưv chơưv nênhs, huôk chuôz tav, zok nriar nênhs plox; shuôk nus, cxơưz thiaz paz têx ziv nênhs muôx nênhs tuôs, nênhs plox zok tsik tâu. Tuôr xav qơư nhoz trâu têx ziv mas đêx nas yôngz, tsêr vâu; paz cxur nox thiaz têx chuôz zênhx sir trâu pêx xênhv thax tsav ntux nas hiav; njuôk kho chơưv têx nênhs mas moz tiv ntux nas hiav. Gruô hu đas jos, cxuô zav côngv kho đơưk têx cêr poz cxuz, đêx nas nhaz, chok nxiak yêz muk lok tâu, chaz điện nhaz xênhz, fuô mông thôngz trơưr…

Ntơưv jâus uô hâux lưv, têx đại biểu tưz saz lax, taix khov têx tsưr ziv uô ntêx thiaz ntêr kho đơưk têx ntux nas hiav yôngz, li: Paz tsêr nhoz trâu têx ziv vax tsêr vâu, yôngz lơưv; kho đuô cêr uô kôngz lông mas hiav; cxênhz yuôx, uô ntơưr biên bản xav puôk tsuôx, uô tiv khơưr paz têx mas hiav trâu pêx xênhv trơưk chai fuô; chok nxiak tsưx tâu qơư nhoz hur si tov kaz ntux nas cuôr yôngz…

Fuô luk chox car, đồng chí Hoàng Quốc Khánh, Bí thư Tỉnh ủy cxiz cov UBPX tỉnh fuô kria cov zênhx max lok sâuv ntux nas hiav; fuô cov paz cias cxur nox, hno nox thiaz têx zav khênhr sir trâu pêx xênhv thax tsav mas ntux hiav; paz têx ziv mas puôk tsuôx tsêr nhoz; gruô hu đas jos tiz nênhs, cxuô zav zênhx max kho đuô chok nxiak cêr yêz thôngz muk lok, điện đêx, thôngz siz nus mông tsik tu. Têx sở, ngành chox car tiz nênhs phax tar đros têx cêr ntux nas yôngz hiav zênhx max. Têx xã nzor tsa tơưv thiaz cxênhz hur si Ban Chox car pêx xênhv phax tar, chox car jor trơưr, thôngz xor zênhx max cêr ntux nas huôv chia cov pêx xênhv ndo njôngr phax tar, txo tsơưs yax têx ruôr hiav thâuv muôx ntux nas lok trâu zuk thax tsav.