Pâuz xã Huổi Một, Bó Sinh, Mường Lầm thiaz Chiềng Sơ puôr lênhx zos têx thax tsav mas ntux nas hiav hâur ntu đhâu. Đhâu cxênhz, coz nas hloz tưz uô trâu 5 lênhx tuôs, tsik pov 1 lênhx, đêx cuôr 58 luz tsêr, zuôr luôs 400 luz tsêr ar poz cxuz thiaz nziv poz cxuz, yênhx puô ziv nênhs tsuv yêv muk nhoz đuô kror qơư, pôngz lơưv ntâu chuôz tav, kôngz lông, cêr muk lok tsik tâu, hu tsik tâu xor tôngx.

Tov kaz cxênhz yuôx têx thax tsav, Chủ tịch UBPX tỉnh Nguyễn Đình Việt cxiz cov xã thiaz têx tsôngv nênhs muôx vax huôv tror sir jos, gruô hu tiz nênhs muk paz pêx xênhv. Uô ntêx mak, paz lơưr muôx qơư nox nhoz thiaz muk lok.

Chủ tịch UBPX tỉnh Nguyễn Đình Việt cux tsênhr cov tsuv gruô hu hur si tiz nênhs, sir jos chuôs cov tâu têx jok mas ruôr hiav saz, zênhx max yêv têx ziv nênhs nziv ar poz cxuz muk nhoz đuô kror qơư, nhav nxiak paz pêx xênhv uô nênhx nhaz xênhz.

Chia paz pêx xênhv iz phênhv tưs hla đhâu cêr phiv liv hâur luz nênhx, Chủ tịch UBPX tỉnh tưz muk shuôk, ntuôk, tỉnh tror paz chuôz zênhx uz no, tso tiz nênhs muk paz pêx xênhv. Nov hâu xã tsuv tror sir jos zok nriar cov tâu zênhx max têx nênhs tsik pov, paz pêx xênhv đơưk cêr phiv liv tiv ntux nas hiav.

Hâur jias cxênhz yuôx, hlôngr njêx muôs Tỉnh ủy, HĐPX, UBPX, Ủy ban MTTQ Việt Nam, đồng chí Nguyễn Đình Việt tưz xa 1,92 tỷ nhiax trâu xã Huổi Một, 300 triệu trâu xã Bó Sinh, 1,5 tỷ nhiax trâu xã Mường Lầm thiaz 960 triệu nhiax trâu xã Chiềng Sơ chia đơưk cêr phiv liv tiv ntux nas hiav.