Dự án Thax qơư nuôv zax ndâux cêr Mộc Châu lês nhoz phường Vân Sơn đar yax 387.403 m², muôx txos 2.600 lênhx pêx xênhv. Dự án muôx cêr đros trâu cxia zos sơưr đơưk tus thiaz 593 luz tsêr. Tas nro dự án uô tas 2.356,2 tỷ nhiax, hâur ntơư chia uô tiar dự án zuôr tas li 2.230,9 tỷ nhiax, têx nhiax bax chia thêv, yêv pêx xênhv nhoz đuô qơư tas 117,3 tỷ nhiax, por hưv thiaz huôv tsar liax chos blêx zuôr zôngv tas 8 tỷ nhiax. Pênhr nhiax trơưk vax huôv zôngv thiaz pênhr nhiax gruô hu têx tsưr cxưx nhiax siz chos côngv tâu. Dự án dự zuôr uô hâur 57 luz hli.

Ntơưv jias chos luk, đồng chí Nguyễn Minh Tiến, Phó Chủ tịch UBPX tỉnh, haik mênhx: Dự án Thax qơư nuôv zax ndâux cêr Mộc Châu tâu lês yênhx thax qơư pêx xênhv nhoz yiaz, jông siz luôs, muôx tsêr trâu pêx xênhv nhoz, muôx cêr lax luôv nuôv zax. Tsis tas li, tsênhv têx ar muôx, uô vax tsê, đrôngs jông, tok ntâu tsêr luôv cxưx nhiax uô nox, cxơưz nhiax txiax - xã hội huôv tsar.

Hlôngr njêx muôs Công ty Cổ phần Đầu tư thiaz xây dựng VINA2 - Công ty Cổ phần Đầu tư thiaz xây dựng số 2 Bắc Nam uô tsâus UBPX tỉnh Sơn La tưz chox car uô jông bax dự án. Cias thâuv chos luk tas, tsêr luôv tưz zênhx max uô cxuô zav ntơưr trơưk cêr chai, uô ntơưr njuôk tsov mênhx cxuô zav. Liên danh Công ty chos luk gruô hu  cxuô zav chia uô dự án cov tiar trơưk hnuz nhôngs, trơưk cêr chai; đros cxuô cơ quan muôx vax huôv tỉnh siz chos uô cov dự án nzor tiar lok zôngv.