Tỉnh Sơn La nhiv no muôx yax 18.330 caik cêr yêz ar, hâur ntơư, 10 txox cêr yêz têz qơưk ntêr zuôr luôs 900 caik; 22 txox cêr tỉnh ntêr yax 1.163 caik; 372 cêr đrôngs ntêr li 301 caik;  yax 1.230 txox cêr xã ntêr yax  6.340 caik thiaz têx cêr  yêz jêx jok xav ntêr yax 9.620 caik. Đros ntơư, hur si tỉnh muôx 11 yar yêz, yêz muk lok nhiv no muôx 140 txox cêr truôx khor thôngz tỉnh txix Sơn La muk 18 tỉnh, thành phố đros trâu 70 đơn vị hâur zuk thiaz luôs tỉnh côngv muk lok. Hâur ntơư, tỉnh Sơn La muôx 13 đơn vị thâux kruô yax 95 txox cêr. Têx kruô muk lok thâux hâur shông 2025 tâu yax 6 triệu lưv.

Shông 2025, Sở cxiv puôz đros Công an tỉnh, nov hâu têx thax tsav thiaz têx paz pơưs chính trị xã hội fuô lês jông côngz xưv fuô kria chai têz qơưk txos pêx xênhv thiaz têx đơn vị uô luôv tsav yêz muk lok nhaz xênhz. Côngz xưv saiz car tsav yêz, têx yêz thiaz nênhs tsav tâu lês ntov, gri yêz muk lok tâu cxênhz yuôx, yêz muk lok truôx njês, txâuk trâu pêx xênhv muk lok thiaz huôv vav nhiax txiax, xã hội. Hâux lưv txo tsơưs yêz siz tsông uô tsik so, têx txuz siz tsông tsơưs 11,6% njuôk li shông 2024.

Ntơưv jâus cơưv, nênhs hlôngr têx đơn vị uô luôv yêz thâux kruô, uô luôv têx zav ntơưv yar yêz, cxênhz yêz muk lok tâus cêr ar tưz saz lax, muôx ndâux luk txos côngz xưv thâux kruô, chok nxiak nhaz xênhz sâuv cxuô txox cêr, sir jos txo tsơưs 3 tiêu chí: Têx txuz siz tsông, têx nênhs tuôs, têx nênhs trâus moz. Kho đơưk têx qơư khênhr hiav yêz, cxaz nzir fiax kria, cok nzir caz cêr, cxênhz yuôx têx cêr yêz, zênhx max kho têx khor cêr puôk tsuôx...

Sở Cxiv puôz cxiz cov têx đơn vị tsav yêz thâux kruô cxiv tsa tsưr ziv gruô hu tas nro têx yêz lês hâux lưv, chok nxiak yêz muk lok thâux pêx xênhv hâur luz pax Tsiaz; cxênhz yuôx têx yêz muk lok trơưk đraiv cêr chai. Xav li têx yar yêz, tsik so chok nxiak nhaz xênhz njias to tưx zưv, tsik chia muôx yưv tuz saz tuz nhias, siz txav, txênhz têx kruô thâux muk lok…