Yênhx shông, Ban CHQS huyện tưz saz lax trâu Huyện ủy, UBPX huyện đros huyện Mường Ét (Têz qơưk CHDCND Lok Tsuôk) siz khov luôx juk quân sự, tsưx hưv cêr nhaz xênhz. Chox car têx dân quân tự vệ, dự bị động viên đros Zênhx Đriv têz uô jông saiz car, por hưv đriv têz qơưk; tsi njênhk fuô kria cov pêx xênhv zôngs ntov chai đriv têz qơưk Cộng hòa xã hội chủ nghĩa Việt Nam.

Trung tá Hoàng Văn Nghĩa, Phó Chỉ huy trưởng Tham mưu trưởng, Ban CHQS huyện Sông Mã, haik: Đơn vị tưz đros Ban CHQS huyện Mường Ét siz khov, siz kria tsik so têx mông lok sâuv côngz xưv tsưx hưv cêr nhaz xênhz têz qơưk; siz chos cxiv tsa chai por hưv đriv têz, siz kria hâux lưv. Cơưv tsis so trơưk chaix iz shông iz jâus, chia cxênhz đuô têx hâux lưv tưz lês thiaz siz chos bax hâux lưv trâu têx shông txuôk nzir.

Ban CHQS cxuô xã đriv têz xav mênhx têx xor xưv tsênhv chênhz, zênhx max kria mênhx chia uô jông tu cov tiar. Txix shông 2024 txos nhiv no, oz đơn vị tưz siz chos saz lax ntâu njiaz luk muôx gri; paz zôngx ziv trâu têx paz nênhs uô côngz xưv ntơưv Việt Nam nriar poz cxa têx nênhs Việt Nam tưx zênhv paz hâux lưv tưz pôngz trâu yar tros Lok Tsuôk hâur ntu tir tsor tros trơưk đraiv tuôr xav.

Ban CHQS huyện Sông Mã tsênhv saz lax trâu cấp muôx vax huôv cov moz siaz paz uô vax tsê, cêr ntơưv têx xã, jok đriv têz puôz huyện Mường Ét. Txix shông 2024 txos nhiv no, Ban CHQS huyện Sông Mã tưz paz xi măng, nhiax trâu Ban CHQS huyện Mường Ét kho vax tsê ntơưv đơn vị. Tsik tas li, tsôngv tuz lênhv oz saz têz qơưk tsênhv siz chos nthuôr txux chi, thể dục thể thao uô cêr lov jêv.

Iz chas ntơư, Ban CHQS huyện Sông Mã tsênhv chox car dân quân têx xã đriv têz đros Zênhx Đriv têz jor Trôngx lôngs Chiềng Khương, Zênhx Đriv têz Mường Cai thiaz Zênhx Nà Hạ, huyện Mường Ét, tưz siz chos muk cxênhz tsik so têx cêr oz saz đriv têz, ndêx chiv đriv têz qơưk. Zơưs Xâur Xênhv Shôngx, Chỉ huy trưởng Ban CHQS xã Mường Cai, huyện Sông Mã, haik: Ban tưz njuôk tsov mênhx thax tsav, saz lax trâu cấp ủy, nov hâu xã, đros Zênhx Đriv têz Mường Cai siz chos muk cxênhz yuôx, nhjuôk tsov têx xor xưv, luôx đrox iz ndis têx ndêx chiv đriv têz, zênhx max tu têx zav zuôv chai, tsưx hưv truôx cêr chai ndêx ntus nhaz xênhz, pêx xênhv hâur thax tsav tso siaz lus.

Hâux lưv Ban CHQS huyện Sông Mã thiaz Ban CHQS huyện Mường Ét siz khov, tưz paz max cêr saz lax, tu têx zav phênhv shuôv quân sự, tsưx hưv cêr nhaz xênhz oz saz têz qơưk; tsưx hưv truôx cêr thax zênhz, siz khov thiaz huôv tsar cxuô tsar zav; bôngs cêr thôngx siaz siz trâus jông Việt Nam – Lok Tsuôk haik tas nro, tsôngv tuz lênhv oz luz tỉnh, oz huyện haik khênhx.