Yar cơưv Đại học Tây Bắc tâu cxiv tsa shông 2001 trơưk Quyết định số 39/2001/QĐ-TTg hnuz 23/3/2001 ntơưv Thủ tướng Chính phủ. Thâuv ntêx zos Yar cơưv Sư phạm cấp 2 Thax tsav Poz Ziz Hmôngz tưx saiz car, Yar cơưv Sư phạm cấp 2 hệ 10+3 Tây Bắc, Yar cơưv Cao đẳng Sư phạm Tây Bắc. Nhiv no Yar cơưv zos qơư choz kria tiz nênhs pâuz uô têx hâux lưv li: Choz kria ntơưr, huôv tsar kôngz lông har jôngr, nhiax txiax, nuôv zax,  por hưv jông đas jos; đros ntơư, tsênhv zos qơư tsov xav cêr txơưx fiv, kria pâuz sir zôngv chuôz zênhx jông thiaz choz kria ntơưr trâu shuv xênhz 9 tỉnh Kâuv têz Lok Tsuôk. 

Têx shông đhâu, Yar cơưv Đại học Tây Bắc tưz cxơưz njiaz luk tưx uô tsưr luz nênhx, thôngx siaz, sir jos hla đhâu cêr txov nhêv thiaz uô tâu hâux lưv muôx kaz hâu li: txuôs jông 25 ngành choz kria ntơưr muôx zuôr 6.000  sinh viên cơưv/shông; yax 90% sinh viên cơưv tas ntơưr muôx hâux lưv uô; huôv tsar têx ngành choz kria ntơưr cxix cxuô txix mầm non txos THPT, muôx yar cơưv shâuv kria ntơưr tâu saiz car paz max trâu hâux lưv choz kria ntơưr nhiv no. Yar cơưv tưz tâu công nhav zos iz hâur 14 kror qơư zov chênhr lok sâuv choz kria cưk kria ntơưr trơưk Quyết định số 452/QĐ-TTg hnuz 27/2/2025 ntơưv Thủ tướng Chính phủ lok sâuv tso chai lês Tsov xav têx qơư choz kria ntơưr đại học thiaz sư phạm ntu 2021 - 2030, tuôr xav txos shông 2050.

Nênhs hlôngr njêx muôs têx Cục, Vụ ntơưv Bộ Choz kria ntơưr tưz muôx ndâux luk chia yar cơưv tror cxiv tsa tổ chức cán bộ, cưk kria ntơưr; kriz đar thax tsav xair tiz nênhs cơưv thiaz kria ntơưr trâu shuv xênhz Lok Tsuôk.

Câuk luk jias uô hâux lưv, Bộ trưởng Nguyễn Kim Sơn nhav nxiak Yar cơưv Đại học Tây Bắc muôx vax huôv lok six zov chênhr hâur choz kria tiz nênhs trâu thax tsav Tây Bắc. Bộ trưởng cxiz cov yar cơưv tror cxơưz têx hâux lưv uô tâu, cxiv tsa tsưr ziv huôv tsar fiv huv; kriz đar tsưr ziv choz kria ntơưr, lar haik têx hâux lưv choz kria ntơưr, kôngz lông- har jôngr,  công nghệ thông tin, choz kria cưk kria ntơưr luk Lok Tsuôk - Poz Ziz; tsik tsês đros têx yar cơưv đại học hâur têz qơưk siz chos uô hâux lưv; đros ntơư, moz siaz cxiv tsa têx cán bộ, cưk kria, hlôngr yiaz choz kria ntơưr, choz kria ntâu lênhx txơưx njê paz tâu zênhx max trâu hâux lưv nhiv no.