Shông cơưv 2025-2026, hur si tỉnh muôx 609 kror qơư choz kria ntơưr txix cấp mầm non txos THPT, đros trâu zuôr luôs 380.000 shuv xênhz. Sở Choz kria ntơưr tỉnh tưz đros UBPX cxuô xã, phường kriz jias cxênhz yuôx, cxiv kho vax tsêr, zuôr cxaz nzir chuôz zênhx kria ntơưr; bax qơư nox, nhoz trâu shuv xênhz nox nhoz cơưv ntơưr hâur yar cơưv; bax txưv nhiax trâu têx yar cơưv thiaz fuô lês cxix cxuô, zênhx max cêr chai chia paz trâu cưk kria thiaz shuv xênhz. Têx yar cơưv mas ntux nas hiav tưz tâu cấp uỷ, nov hâu thax tsav paz đơưk tâu sai cêr phiv liv, bax txưv uz no chia tok shuv xênhz tuôx cơưv ntơưr.

Chia kriz tiar shông cơưv yiaz 2025-2026, Sở Choz kria ntơưr tưz chox car têx yar cơưv hâur tỉnh bax txưv tivi, màn hình Led chia cưk kria thiaz shuv xênhz tâu saiz Jias kriz shông cơưv yiaz hâur hur si têz qơưk ntơưv Trung ương. Bax txưv huôz chuô mạng chia kriz tiar jias tso yưv ti vi kriz shông cơưv yiaz ntơưv tỉnh Sơn La ntơưv yax cơưv THCS Lê Quý Đôn, phường Tô Hiệu.

Jias cơưv, đồng chí Đặng Ngọc Hậu cxiz cov Sở Choz kria ntơưr đros têx thax tsav tror cxênhz yuôx côngz xưv cxiv kho, uô tiar vax tsêr uô ntêx shông cơưv yiaz; cxênhz yuôx chuôz zênhx bax trâu jias kriz shông cơưv yiaz trơưk ntâuz ntơưr kria pâuz ntơưv Bộ Choz kria ntơưr; bax têx tsưr ziv tir tar ntux yar ntux nas txơưr txar; nhav nxiak kriz tiar yênhx côngz shông cơưv yiaz txâuk chai, tsik tuôr xuôv nhiax txiax. Paz ntuôk têx cưk kria thiaz shuv xênhz hur si tỉnh shir phaz hla trâu shông cơưv yiaz.