Lês hâux lưv kriz têx zav uô tâu hâur têz qơưk ndax saiz hloz 80 shông hnuz tsa tâu têz Qơưk, Sở Txux chi, Thể thao thiaz Nuôv zax tưz saz lax têx hâux lưv, xav têx nhiax zuôr zôngv xa trâu Bộ Tài chính thiaz Bộ Txux chi, Thể thao thiaz Nuôv zax; đros ntơư saz lax trâu UBPX tỉnh tso chai kriz tỉnh Sơn La têx hâux lưv lês tâu lok sâuv nhiax txiax - xã hội; chox car cxuô phòng chuyên môn, đơn vị siz chos bax hâux lưv; bax njiaz luk piar jias no, njuôk tsov maket thiaz tsưr ziv xa trâu Bộ Txux chi, Thể thao thiaz Nuôv zax khov 2 lưv.

Trơưk njiaz luk “Sơn La - Têx cênhz cưv thâuv ntêx, ntâu tsar txux chi thiaz chia siaz huôv tsar”, Sở tưz bax tsưr ziv, zôngv zênhx zav 3D;  kriz hâur tsêr đar 180m2. Muôx 3 phênhv: Phênhv 1: Sơn La - Têx cênhz cưv thâuv ntêx; Phênhv 2: Sơn La - ntâu tsar txux chi; phênhv 3: Sơn La cax lus ntu nênhx tov hâur ntêx. Qar tsêr nthuôr kria têx hax huv, zênhx zav, qơư uô nox, nthuôr txux chi, ndis saiz txux chi cxuô hair nênhs Sơn La; zôngv chuôz zênhx số li: Saiz đuôz, mnôngs suôz… cov muôx iz qar txux chi jông ntơưv zuk trôngx têz sơưr đơưk nhiav.

Sở Txux chi, Thể thao thiaz Nuôv zax tror cxênhz nzir têx zênhx zav chia nthuôr kria; chơư têx cưk txux côngv; gruô hu têx nênhs lês hâux lưv trơưk đraiv chai. Bax cxix cxuô zav chia yuôx uô ntêx thâuv zuôr chox muk nthuôr thâuv piz thiaz suôx câuv jias kriz ntơưv Hà Nội trơưk xav, zuôr kriz txix hnuz 11/8 tax tas hnuz xiaz 5/9/2025.

Gơư luk đồng chí Xuân Xênhv Tsaz, piar mênhx têx hâux lưv uôk Sở Txux chi, Thể thao thiaz nuôv zax bax. Cxiz Sở tror fuô lês trơưk đraiv chai, cxuô zav bax fiv huv trơưk têx nhiax tâu zok. Tror njuôk tsov, cxênhz nzir têx zênhx zav, đuôz jông, muôx txiax njis lok sâuv txux chi thiaz têx hâux lưv lês jông ntơưv tỉnh, chia cov jias no zos jias piar kria mênhx trôngs têz jông Sơn La trâu cxuô qơư pâuz.