Jias cơưv, têx đại biểu tưz tâu kria pâuz côngz xưv bax, cxênhx cxênhv cxiax cxênhv, tsưr ziv kriz Jias piz cxiv puôz, tsov xav zuôr tâu kriz hnuz xiaz 2/11/2025 ntơưv jok Phát, xã Lóng Sập. Txos nhiv no, côngz xưv yaik qơư nhoz yiaz tưz tâu lês tiar, đơn vị uô taz tov đrâu kuô tsêr, uô tsêr fênhz suôz thiaz lês tiar têx hâux lưv paz trâu jias piz cxiv puôz. Têx tsưr ziv por hưv cêr njias to, đêx ar huôz chuô nyiaz hur, taz đại biểu thiaz bax qơư piz cxiv puôz tưz tâu uô jông uô. 

Yar cơưv Nội trú liên cấp Tiểu học - Trung học cơ sở xã Lóng Sập zos 1 hâur 13 yar cơưv tâu fuô lês ntơưv tỉnh Sơn La trơưk Ntâuz ntơưr kria pâuz câuk luk số 81-TB/TW ntơưv Bộ Chính trị lok sâuv cêr chai cxưx nhiax cxiv puôz yar cơưv trâu têx xã đriv têz. Yar cơưv muôx: Tsêr cơưv ntơưr, qar tsêr cơưv bộ môn, thư viện, tsêr Ban Giám hiệu; tsêr trâu shuv xênhz, cưk kria nhoz; tsêr mor trâu shuv xênhz; tsêr uô ntâu zav, pak đa đêx, tiax uô thể thao thiaz têx hâux lưv txơưr, muôx txâuk qơư trâu yax 1.000 shuv xênhz nhoz.

Uô tiar dự án, paz pêx xênhv cxuô hair nênhs thax tsav đriv têz Lóng Sập têx mê nhuôv tâu cơưv ntơưr trâu kror qơư jông; choz kria tâu têx cán bộ hair nênhs tsơưs tsiv txiax, txơưx njê cias ntơưv qơư, iz phênhv tưs por hưv pêx xênhv thax tsav đriv têz luz nênhx tâu jông, tsưx truôx thax tsav đriv têz nhaz xênhz.

Câuk luk jias cơưv, đồng chí Hà Trung Chiến cxiz cov têx đơn vị cik txos uô jông bax hur si trâu Jias piz cxiv puôz, nhav nxiak ntov chai, nhaz xênhz, tsik tuôr xuôv nhiax txiax. Đồng chí haik mênhx: Côngz xưv bax tsuv tâu kror siz chos lês ntov nti, siz luôs jok hâur têx sở, ngành, đơn vị thiaz thax tsav. Fuô lês têx cêr chai cxưx nhiax cxiv puôz; uô jông hâux lưv tsưx truôx thax tsav nhoz njias to thiaz por hưv đêx ar huôz chuô nyiaz hur hâur ntu krizJias piz cxiv puôz.