Dự án Tsêr kho moz Đa khoa huyện Vân Hồ zos UBPX huyện Vân Hồ uô tsưr cxưx nhiax, hur si tas yax 261 tỷ đaiv txix li pênhr nhiax Luôs hâux nlưv cxiv kho thiaz huôv tsar nhiax txiax - xã hội; pênhr nhiax cxaz nzir trâu tỉnh, lês hâur ntu 2022-2025. Ntu 1 ntơưv Dự án muôx têx qơư: Qơư njuôk kho moz, kỹ thuật nghiệp vụ thiaz hành chính; tsêr kho moz nội trú số 1; tsêr khoa Cxênhz yuôx têx caz moz thiaz iz cxia hâux lưv txơưr. Txos nhiv no, têx hâux lưv tưz lês tiar jias 1, taz tov tâu têx sở, ngành ntơưv tỉnh cxênhz yuôx trơưk đraiv cêr chai. Haik txos têx chuôz zênhx njuôk kho moz thiaz têx chuôz zênhx cik txos txơưr, 6/8 kror qơư tưz lês tiar hâux lưv đhok têx chuôz zênhx njuôk kho moz, tuôr xav lês tiar uô ntêx hnuz 12/5/2025.

Tov kaz cxênhz yuôx têx công trình, đồng chí Lê Hồng Minh zok trâu huyện Vân Hồ chox car Ban Saiz car Dự án muôz nhiax cxiv puôz huyện thiaz têx tsêr cxưx nhiax lês tiar hâux lưv đhok têx chuôz zênhx njuôk, kho moz; suô khâuz nhaz hâur tsêr kho moz thâuv tiar; bax kriz uô tiar thiaz muôz lok zôngv ndax jias saiz hloz 135 shông Hnuz zus Chủ tịch Hồ Chí Minh (19/5/1890 - 19/5/2025). Haik txos têx hâux lưv li cxiv puôz nja vax, chos ntông... UBPX huyện Vân Hồ cxiv tsa dự án xa trâu cấp muôx vax huôv tso chai muôz nhiax chia cxiv kho, chia cov por hưv cêr nhaz xênhz trâu dự án thâuv lês hâux lưv.