Jias cơưv muôx đồng chí Đinh Thị Bích Thảo, Ủy viên Ban Thường vụ Tỉnh ủy, Thơưx ban Tuyên giáo thiaz Dân vận Tỉnh ủy, thơưx car têx sở, ban, ngành ntơưv tỉnh.

Ntơưv jias cơưv, têx đại biểu tưz mnôngs báo cáo tsov xav kriz cxênhx cxênhv saiz hloz 130 shông Hnuz tsa yênhx tỉnh Sơn La; hâux lưv fuô lês côngz xưv tuôr xav nhiax chia lês nuv, bax đấu thầu chia kriz hâux lưv saiz hloz; tsưr ziv bax kriz têx qar huv hâur jias saiz hloz.

Luôs hâux lưv saiz hloz 130 shông Hnuz tsa yênhx tỉnh Sơn La zuôr tâu kriz trâu hnuz xiaz 10/10/2025. Tuôr xav, hur si têx nênhs côngv lês hâux lưv no muôx yax 4.000 lênhx. Txos nhiv no, têx sở, ngành tưz cxiv tsa tiar cêr tuôr xav cxênhv cxênhv saiz hloz thiaz tiar têx qơư kriz grâuv pax txux chi cxuô hair nênhs tỉnh Sơn La ntơưv Yar tiax lox Tây Bắc; cêr tuôr xav tuv đuôz; cêr tuôr xav kriz tuôr têk sênhr chêr hair nênhs Poz ziz, siz tưr thể thao...

Muôx luk suôx câuv jias cơưv, đồng chí Xuân Xênhv Tsaz cxiz cov Bộ Chỉ huy Quân sự tỉnh sâu têx đại biểu ndâux luk tsês, cxaz nzir kho đuô thiaz lês tiar têx hâux lưv tâu zok. Têx ngành, thành viên lês tiar têx njiaz luk tâu phaiz. Sở Txux chi, Thể thao thiaz Nuôv zax đros Sở Tài chính lês jông hâux lưv đấu thầu, xair đơn vị kriz hâux lưv saiz hloz; lês tiar cêr tuôr xav mênhx pêv hâur jias kriz saiz hloz chia xa trâu Ban Thường vụ Tỉnh ủy saz lax, tso chai lês.