Zơưs Tòng Văn Thu haik: Jok Mé, xã Mường Bon muôx đêx ntâu, viv zos nhoz kaz pak đêx Tiền Phong zôngx ziv zus tsiax njêk, ar cux tros, fiv huv chos cxuô zav jâuz, kôngz lông jông. Txix thành phố Sơn La mul txos tas yax 40 phút yêz ô tô tưz txos jok. Thax qơư no jông gâux, cêr yêz zôngx ziv mul lol, muôx têx vax ntông nox txir, vax tsê muôx txơưv chia huôv tsar nuôv zax.

Đêx ar vax tsê đar, ho muôx 1,2 ha pak njêk. Pov têx zav muôx txơưv ntâu lênhx nhiav tuôx nur njêk uô si, li ntơư zơưs Thu tưz txaik 800 triệu nhiax uô 5 tsêr ntông iz ndis pak njêk tok kruô tuôx nur njêk uô si trâu têx hnuz so; uô nzir luz tsêr tsar lơưx uô qơư trâu kruô nox hâuk thiaz so. Đros ntơư, chos yax 1.000m² jâuz njuôz, kix, đok, txux lov chia kruô nox. Zơưs Thu kror qơư uô lax luôv zênhv hnuz sâu nju nhiax txiax, fênhx đraz iz hnuz muôx 50 lênhx kruô muk nur njêk, mul so, nox hâuk. Têx hnuz so hâux lưv, Tsiaz, iz hnuz nto 300 lênhx, iz shông sâu tâu yax 600 triệu nhiax. 

Zơưs tưz uô jông mnôngs kruô ndâux lul, lês trơưk li kruô siaz nhiav, chia uô têx kar hno kaz, xik ntâu lênhx; iz chas ntơư cux njuôk tsov tsik so uô têx kôngz hữu cơ đros đraiv cêr nuôv zax ndis uô si, chia zis nênhs sâu nju nhiax txiax, muôx hâux lưv uô trâu iz cxia pêx xênhv nhoz thax tsav.