Shông 2023, Sở Công Thương tâu zok 211 tỷ nhiax fuô lês dự án chaz điện jêx jok txix điện têz qơưk tỉnh Sơn La. Sir jos chaz cov tâu điện trâu 4.303 ziv nênhs sir zôngv (cxiv kho điện trâu 3.020 ziv nênhs thiaz uô yiaz trâu 1.283 ziv nênhs) nhoz têx huyện Mường La, Thuận Châu, Mai Sơn.

Pos Phạm Thị Doan, Giám đốc Sở Công Thương, haik mênhx: Cias tov kaz muôx cêr chai zok nhiax, txix hâu shông, Sở tưz zok trâu Công ty Điện lực Sơn La zos đơn vị kria tsưr ziv saiz car, cxênhz yuôx, chox car têx đơn vị cxiv tsa uô moz siaz lês tiar têx cêr chai muôz nhiax uô, sâu bê siz chos fuô lês; cxênhz yuôx, tu tâu sai têx cêr txov nhêv, khuôv đais lol sâuv muôz nhiax uô, yaik qơư nhoz yiaz trâu pêx xênhv. Txos nhiv no, tưz xair tâu chor nênhs nhav uô 4 kror qơư ntiar uô luôv chuôz zênhx thiaz đhos uz no ntơưv huyện Mường La, Thuận Châu, Mai Sơn; cxiv tsa ntâuz ntơưr xair têx nênhs tâu ntiar uô thiaz kria pâuz cxênhz yuôx 2 kror qơư ntiar uô luôv chuôz zênhx thiaz đhos uz no ntơưv huyện Mai Sơn. 

Zơưs Phạm Hồng Toại, Thơưx ban Saiz car dự án Công ty Điện lực Sơn La, kria pâuz: Ban saiz car tưz saz lax trâu tsưr muôz nhiax uô cxiv tsa tsưr ziv fuô lês dự án, xair chor nênhs tâu ntiar uô, kênh nhiax zôngv, tso chai lês; tso cán bộ txơưx uô hâux lưv muôx njêx muôs cias ntơưv qơư, saiz car ntov nti têx hâux lưv. Moz siaz đros hội đồng yaik pêx xênhv muk nhoz yiaz ntơưv huyện, têx đơn vị cik txos, cxuô xã, thị trấn zaz zâuv, gruô hu PX jav ar, yaik muk nhoz yiaz, paz têx nênhs tâu ntiar uô zôngx ziv lês tiar hâux lưv chaz điện.

Tsik tsês chox car, cxênhz yuôx têx đơn vị bax txưv tiz nênhs, chuôz zênhx cxiv puôz, nhav nxiak fuô lês dự án zos cêr tuôr xav. Đros ntơư, zênhx max đơưk cêr chor nhov lok sik thor cấp muôx vax huôv paz đơưk tâu sai cêr txov nhêv, paz têx nênhs tâu ntiar uô nzor lês tiar dự án muôz zok sir zôngv, nhav nxiak sir zôngv muôx liv têx nhiax uô.

Shông 2023, huyện Mường La tsov xav 1.000 ziv nênhs nhoz 7 xã, thị trấn tâu uô yiaz cxiv kho điện, hâur ntơư uô yiaz trâu 515 ziv nênhs, cxiv kho điện nhaz xênhz trâu 485 ziv nênhs, xav hur si 22,3 tỷ nhiax. Ntơưv xã Pi Tong, shông no, xã muôx 426 ziv nênhs tâu chaz điện, hâur ntơư đhos công tơ yiaz trâu 214 ziv nênhs, tror đhos đuô công tơ trâu 212 ziv nênhs.

Zơưs Nguyễn Văn Min, Giám đốc Công ty TNHH cxiv puôz lax luôv Kinh Đô, tsưr tâu ntiar uô, haik mênhx: Tov kaz 2 hli uô tsik tsês, công trình ntơưv xã Pi Tong tưz lês tiar 20% hâux lưv. Pêz taz tov trâu siaz gruô hu chuôz zênhx, bax nzir tiz nênhs zênhx max uô tiar têx hâux lưv tưz tâu zok, sir jos lês tiar thiaz muôz zok sir zôngv hâur luz 12 hli shông 2023, paz zênhx max PX cêr chia siaz.

6 hli hâu shông 2023, Sở Công Thương tưz kênh thêv yax 61,7 tỷ nhiax, nhav nxiak uô tiar hâux lưv kênh thêv nhiax njuôk li têz qơưk hâux lưv muôz nhiax trơưk li tâu zok.

Sir jos uô tiar hâux lưv kênh nhiax zos cêr tuôr xav, tâu 100% tsưr ziv pênhr nhiax zok shông 2023, Sở Công Thương moz siaz chox car đơưk cêr txov nhêv, khuôv đais, lês jông côngz xưv yaik pêx xênhv muk nhoz yiaz chia uô têx hâux lưv; tsik tsês cxênhz yuôx, cxiz njôngr têx đơn vị uô tiar têx dự án, paz zênhv hnuz zênhv muôx ntâu ziv nênhs hâur hur si tỉnh tâu sir zôngv điện, sir zôngv muôx kaz hâu pênhr cxưx nhiax chaz điện têz qơưk trâu jêx jok sir zôngv, paz PX luz nênhx hlôngr yiaz, cxuz cêr yaiz pluôs, cxơưz huôv tsar nhiax txiax xã hội, tsưx truôx thax tsav nhoz njias to, cxiv tsa jêx jok yiaz.