Mul txos xã tox siaz Háng Đồng, mal zôngx ziv nriar tâu têx yuôx zêx Shan tuyết lâuk, tus ntông tuôx nxuôz, ndâu chês đros trâu njik njuôz mok nhôngk. Tsik muôx lênhx tưs pâuz, yuôx zêx lâuk muôx puôs thâuv tưs lol têx nênhs lâuk ntơưv no thav thâuv tsênhv zâu zênhv pov muôx yuôx zêx lâuk Shan tuyết trâu tox siaz. Nhiv no hur si xã Háng Đồng muôx yax 40 ha yuôx zêx lâuk Shan tuyết, muôx txix 60 txos 300 shông, pov muôx têx tsoz yax iz puô shông nhoz shơư xuz jôngr, muôx têx tsoz txix 60-80 shông nhoz trâu têx jol: Chống Tra, Háng Đồng, Làng Sáng.

Zơưs Mùa A Lao zis nênhs nhoz jol Háng Đồng muôx vax yuôx zêx lâuk Shan tuyết nto yênhx puô shông, muôx têx tsoz ntông lox nênhs puôs tsik tas. Zơưs Lao haik pâuz: Cur zis muôx 45 tsoz yuôx zêx lâuk. Hâux lưv tu yuôx zêx lâuk tsik phiv liv, yênhx shông tsuôk zos mul luôx đrox txix 3-4 jâus ndis hâur pâuk; đhâu iz jâus đê yuôx zêx, mal mul txiar, yiz cov yuôx zêx zôngx ziv hlar blôngx thiaz zôngx ziv đê; tsik zôngv yuôx por hưv. Iz shông tâu đê blôngx txix hli 3 txos hli 10 yênhx shông; thâuv đêx tsuôk zos xair luz njik nhiv kruôr muôx oz thiaz đê thâuv tas cik sơưr nzor mal kaz đuô. Iz tuần tâu đê iz jâus, đê tâu 30 cir njik yuôx zêx nhôngk, muôx tâu 70 cxênhz nhiax/chiaz. Cur tsêr nênhs tưx ciz hâur zika, txix 25-30 chia njik yuôx zêx nhông/hnuz, ciz tâu 6 chiaz yuôx zêx kruôr, muôx trâu kruô tâu 500.000 nhiax/chiaz.

Xã Háng Đồng taz tov cxơưz paz pêx xênhv tu, por hưv têx yuôx zêx lâuk đros trâu huôv tsar nuôv zax; paz pêx xênhv kriz đar têz chos yuôx zêx paz pêx xênhv sâu nju nhiax, cxuz cêr yaiz pluôs truôx njês. Paz trâu têx tsêr luôv, HTX muôz nhiax chos thiaz huôv tsar côngz bê trâu yuôx zêx lâuk ntơưv xã. Zơưs Phua Xênhv Shôngx, Chủ tịch Hội Tuz kôngz xã Háng Đồng, haik pâuz: Hội tưz kriz trâu hội viên, tuz kôngz mul shuôk, cơưv shâuv tsưr ziv tu yuôx zêx ntơưv xã Tà Xùa. Fuô kria trâu hội viên tuz kôngz tu, por hưv, kria trâu kruô nuôv zax lol sâuv yuôx zêx.

Hội Tuz kôngz xã Háng Đồng tưz đros HTX Kôngz lông thiaz Yuôx njuôz Háng Đồng cik txos cêr khov zuôr pêx xênhv têx yuôx zêx lol ciz yênhx hax huv. Hnuz 31/12/2024, UBPX huyện Bắc Yên tưz quyết định tso chai hax huv “Yuôx Tsas Jax” ntơưv HTX tâu OCOP 3 luz hnuz kuz, tuôr xav huôv tsar côngz bê yuôx zêx lâuk Shan tuyết ntơưv xã Háng Đồng.

Niav Dủ Xênhv Thox, HTX Kôngz lông thiaz Yuôx njuôz Háng Đồng, haik pâuz: Iz shông, HTX zuôr hur si thiaz ciz txix 5-6 tấn yuôx zêx nhôngk ntơưv cxuô zis chos yuôx zêx hâur thax tsav xã. Iz chas hax huv “Yuôx Tsas Jax”, HTX taz tov tsov xav chia ciz nzir “Hồng trà”. Iz chas ntơư, HTX tưz côngv trâu têx cxênhx xưv, fuô kria têx kôngz zos tỉnh, huyện kriz chia chos lul muôs trâu ntâu tỉnh, thành phố hâur hur si têz qơưk thiaz têx hax huv chia muôs cxuô zav hax huv.

Moz siaz por hưv têx hax huv yuôx zêx lâuk Shan tuyết, xã Háng Đồng tror huôv tsar côngz bê yuôx zêx lâuk Shan tuyết ntơưv xã yênhx hax huv hâur thax tsav, paz pêx xênhv sâu nju nhiax, paz iz phênhv tưs trâu pêx xênhv sâu nju nhiax, cxuz cêr pluôs truôx njês.