Txix li têx zav muôx txơưv lok sâuv đêx ar, huôz chuô, pêx xênhv xã Chiềng Ban tưz moz siaz muôz têx zuz cà phê Arabica lok chos, yênhx qơư chos cà phê ntâu yax 1.250 ha. Xã tsa tơưv têx tổ, paz pơưs, HTX siz khov hâur uô kôngz lông, tâu têx công ty, tsêr luôv ntơưv thax tsav huyện chos luk zuôr hax huv.

Zơưs Đoàn Quang Dũng, Chủ tịch UBPX xã Chiềng Ban, haik pâuz: têx zis tuz kôngz tâu têx công ty, tsêr luôv paz zuz kôngz, qir, kria nzir tsưr ziv chos, tu cà phê txâuk chai VietGAP, por hưv đêx ar huôz chuô nyiaz hur; paz muôs tâu gri, cxơưz paz têx nênhs chos cà phê sâu nju nhiax đuô. Nhiv no, 1 ha cà phê sâu tâu yax 100 triệu đaiv/shông.

Mai Sơn muôx yax 49.000 ha choss kôngz lông, txir nox phênhv ntâu zos chos têx zav, li: cà phê, na, mor môngk, lưk pax, caz tsiz, kok ntông, txir plâux thiaz cxuô zav kôngz txơưr. Huôv tsar têx kôngz lông trơưk cxuô thax tsav, paz pêx xênhv sâu nju nhiax txiax, cxơưz paz huôv tsar nhiax txiax - xã hội taz tov zos faz tsưr ziv jông ntơưv huyện Mai Sơn.

Pos Cầm Thị Khay, Phó Chủ tịch UBPX huyện Mai Sơn, haik pâuz: Têx xã chos ntông nox txir tâu jông, huyện tưz chox car têx xã lês jông côngz xưv tuôr xav qơư chos; đros ntơư moz siaz đros têx cơ quan chuyên môn kriz têx jias kria nzir tsưr ziv; cxiv tsa mã số kria pâuz qơư chos, paz lês hâux lưv fuô kria, pâur muôs hax huv; fuô kria, zaz zâuv pêx xênhv tu kôngz lông, tu, zus tsiax cxu trơưk faz hữu cơ, hur chia muôs hâur têz qơưk thiaz muôs muk trâu oz chas têz.

Haik txos xã Cò Nòi muôx 2.114 ha ntông nox txir cxuô zav, hâu ntơư, muôx zuôr luôs 307 ha tâu muôz mã số kria pâuz qơư chos, yax 49 ha tâu muôz chưngr nhav VietGAP, yax 1.124 ha sir zôngv tsưr zis tsuôs đêx cov nông trâu têx kôngz. Têx txir cxuô zav xav đê tâu 24.500 tấn. Xã tưz fuô kria, zaz zâuv pêx xênhv moz siaz uô kôngz lông trơưk tsưr ziv VietGAP, hữu cơ, hur, nhaz xênhz thiaz truôx njês. Chia tuz kôngz siz chos cơưv shâuv, siz paz hâur ntu uô kôngz lông, xã tưz zaz zâuv pêx xênhv tsa tơưv 29 HTX kôngz lông, siz khov zok qơư zuôr hax huv kôngz, txir nox. Zơưs Nguyễn Anh Thu, Chủ tịch UBPX xã Cò Nòi, haik pâuz.

Jok Lếch, xã Cò Nòi muôx zuôr luôs 130 ha ar uô kôngz lông, têx tuz kôngz ntơưv thax tsav tưz zôngv tsưr ziv yiaz lok chos, tu chia cov sâu tâu nju nhiax. Tix lâus Nguyễn Đình Triển, jok Lếch, haik pâuz: Cur zis nênhs muôx 1,2 ha ar chos kôngz, hâu ntơư, yax 7.000 m2 chos na hoàng hậu, na dai, na thaiz. Đuô li zos chos cxuô zav kôngz txơưr tsik trơưk chaix... Fênhx đraz cxuô shông sâu tâu yax 500 triệu đaiv.

Txos nhiv no, hur si huyện muôx 11.200 ha ntông nox txir, sâu tâu 90.000 tấn txir/shông, hâu ntơư muôx 4.201 ha chos trơưk tsưr ziv yiaz; 1.800 ha chos trơưk faz hữu cơ; 1.119 ha chos txâuk chai VietGAP. Muôx 3 thax qơư chos sir zôngv tsưr ziv jông, đros trâu têx qơư chos đar yax 1.373,7 ha (2 thax qơư chos cà phê đar 1.039,5 ha, 1 thax qơư chos na đar 334,2 ha); zuôr luôs 1.500 ha sir zôngv tsưr ziv tsuôs đêx cov nông trâu kôngz. Muôs têx cà phê, yuôx zêx, hmôngr kok ntông, mor môngk, chuôz thox hmaz...tâu 49,47 triệu USD/shông.

Hâur ntu zuôr txos, huyện Mai Sơn zuôr tror tuôr xav, moz siaz fuô kria, zaz zâuv pêx xênhv sir zôngv tsưr ziv yiaz lok uô kôngz lông, iz thênhv jux juk hlôngr nhiax txiax kôngz lông jêx jok trơưk faz muôx ntâu zav hax huv, huôv tsar kôngz lông njuôz, truôx njês.