Têx txir plâux jông gâux, kaz, txâuk chai tâu Công ty cổ phần uô kak nox yar yêz za Nội Bài (NCS) uô tâu ntâu zav kak nox kaz, li: Txir plâux nhôngk, suôz thax mousse thiaz ntâu zav kak nox txơưr chia muôz trâu têx kruô nox hâur têx jias yêz za hâur têz qơưk thiaz za muk trâu oz chas têz muk trâu châu Âu, Úc, Mỹ, Hàn Quốc, Nhật Bản.

Hâux lưv muôz txir plâux Sơn La yênhx pluôk nox trâu kruô sâuv yêz za ntơưv Vietnam Airlines zos jias chia tror tsi njênhk tâu côngz bê trâu hax huv kôngz, txir nox ntơưv tỉnh. Đhâu ntơư, fuô kria kôngz, txir nox Sơn La haik khênhx thiaz Việt Nam haik tas nro txos trâu têx kruô oz chas têz.

Đros ntơư, Vietnam Airlines tưz lês hâux lưv thâuv txir plâux Sơn La tưz thâux têx txir plâux muk trâu têx tỉnh thành hâur hur si têz qơưk. Trơưk ntơư, txix shông 2023 txos nhiv no tưz muôx yax 2,2 cxênhz tấn txir plâux tâu Vietnam Airlines thâux, txênhz yax 92% têx txir muôs tâu.

Uô ntêx ntơư, Vietnam Airlines tưz ntâu jâus muôz têx txir nox ntơưv Việt Nam trâu têx pluôk nox sâuv yêz za li: Lưv tsiz Hưng Yên, txir nkhơưz kaz jiz Sơn La, vải thiều Lục Ngạn (Bắc Giang), txir thênhx caz Cao Phong (Hòa Bình), cà phê Việt… đhâu têx hâux lưv siz khov ntơư, Vietnam Airlines tưz tsi njênhk tâu qơư sơưr siz khov cxuô thax tsav, paz muôz têx txir nox Việt Nam txos jêx đuô trâu têx nênhs sir zôngv hâur têz qơưk thiaz oz chas têz.